Umbwilo 13:3 - Amazwi Yakwe Leza 2013

³ Umutwe onga uwa cilyanyi walolike ni cilonda cakuleta imfwa, lelo calanga icipola. Antu yonsi amu nsi yalondela cilyanyi ala yakuzunguka.

Umbwilo 13:3 Referans Kwoze

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.

Umbwilo 17:10

Yasano yafwa, wenga acili akuteeka, muze atali kuti aiize. Lino aliza wene alateeka pa kasita kanono sile.

Ezekelo 30:24

Ndakomya amakasa ya mwene waku Babiloni, nu kumufumbatika ulupanga lwane. Lelo ndakontola amakasa yakwe Falao, nga nawe alanyunguluka pa manso ya mwanisi wakwe wa muntu uwataciswa.

Umbwilo 17:13

Yakateeka ikumi yonsi yakwata ilango lyonga, nupya yakapela maka ni nsambu zyao ku cilyanyi.

Umbwilo 13:12

Cene caomvizye maka aingi a cilyanyi ca kutandika pa manso yakweco. Cipatikizya insi na onsi akaikalamo kuti yapepa cilyanyi ca kutandika, cino cilonda caciko cakuleta imfwa calanga capola.

Milimo 8:13

Simoni umwisikulu nawe kwene wataile na pacisila ca kuwatiziwa, watenzi pamwi na Filipo nga cimuzungula lino walola vizungusyo vikulu nga ni vinjelengwe ivyacitwanga.

Luka 2:1

Mu manda yalya Agusto kateeka uwaku Loma wapile ilamulo ilyakuti antu yonsi yapendwe.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Yoane 12:19

Caleka Afaliseo yavwanzyanya yati, “Lolini, tukuicuzya sile! Mwalola, antu yonsi yakumulondela.”

Umbwilo 17:11

Cilyanyi cino cali nu umi lelo ndakai cafwa, cene ali kateeka uwalenga cinani, wamuli yakateeka cinimbali nupya akuya ku kononwa.