Umbwilo 1:9 - Amazwi Yakwe Leza 2013

⁹ Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 1:9 Referans Kwoze

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Umbwilo 1:2

Yoane nawe walondolwile vyonsi vino waweni. Nupya akupeela umboni pi landwe ilyafumile kuli Leza na pali vyonsi vino Yesu Klistu wamunenyile.

Umbwilo 13:10

Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”

Filipi 4:14

Lelo mwacisile cisuma pa kungazwa lino nali mu nsita ya ntazi.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

Loma 8:25

Lelo ndi tukupaalila cino tusikulola, ale tukulolela mukuteka mwenzo.

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Umbwilo 11:7

Lyene lino yalamala kupeela umboni wao, cilyanyi cino cilafuma mu ciwina caula impela cilayalwisya. Cene cilayacimvya nu kuyakoma,

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Umbwilo 12:17

Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

2 Tesalonika 3:5

Nkulenga ku Mwene kuti wene amutungulule mu kutemwa ndi vino akacita nga nu mukuposya kuno Klistu akapela.

Mateo 20:23

Yesu nawe ayanena ati, “Icacumi mungamwa mu lwako lwane. Lelo ntakweti nsambu yakusolola wino angikala kwi kasa lilunji nanti kwi mani lyane. Tata alapeela vifulo vii kuli yano wateyanyizizya.”

Mako 10:39

Nao yaasuka yati, “Tungacita.” Yesu ayanena ati, “Icacumi mungamwa mu lwako luno indi nu kumwelamo nu kuwatiziwa umu nzila ino indi nu kuwatiziwilamo.

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

2 Kolinto 1:7

Caleka upaalilo witu muno muli usi uwasilesile. Twamanya ukuti wakwe vino mukakumako ku macuzi itu, vivyo kwene mukakumako nu ku wazwilizyo kwene uno Leza akatupeela.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.