Tito 3:14 - Amazwi Yakwe Leza 2013

¹⁴ Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Tito 3:14 Referans Kwoze

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Mateo 7:19

Umuti onsi uno usyaseeka vizao visuma ukakomwa, nu kusumbwa mu moto.

2 Petulo 1:8

Vii vili vintu vino mulinzile kukwata. Ndi mwavulilwa vintu vii, vyene vilamulenga kuti mwaombesya na maka pa kumanya Mwene witu Yesu Klistu.

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yoane 15:8

Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

2 Tesalonika 3:8

Tutalyanga cakulya caula kukala kufuma ku muntu ali wensi. Lelo twaombanga cuze nupya twatwalilile kuomba musanya nu usiku kuti tutaya wa cisendo kuli wensi uwa munomuli.

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Mateo 21:19

Lyene lino walola musamvu uwali umu mbali ya museo, ayako, lelo atazanyileko vizao, suka sile mafwa. Alino aunena ati, “Kufuma ndakai utakaseeke vizao nupya.” Lilyo kwene musamvu uma.

Milimo 18:3

aya aikala nao yaombela pamwi pano imilimo yao yali ikolane na yakwe Paulo. Yene yali yakasuma ya mataalu.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

Loma 15:28

Lino ndamala mulimo wa kuyapela lupiya lonsi luno yasangwile, ndiza kwiza mutandalila, nga pacisila inje ku Sipeni.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Filipi 4:16

Na lino nali mu Tesalonika mwemo mwangazwilizye maila avule pali vino nulilwe.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.