Tito 2:15 - Amazwi Yakwe Leza 2013

¹⁵ Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

Tito 2:15 Referans Kwoze

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Tito 1:13

Pamulandu kwene uu, wemo ulinzile kuyanenola cuze, pakuti utailo wao uye uwa mpomvu.

1 Timoti 5:20

Wakalipila apaswe yao yonsi akaifya, pakuti asyala yuvwe intete.

Mateo 7:29

Wene atasambilizyanga wakwe yakasambilizya ya Masunde, lelo wa muntu akweti maka.

Mako 1:22

Antu amuvwile yazunguka cuze pa misambilizizye yakwe. Wene atasambilizyanga wakwe yakasambilizya ya Masunde, lelo wa muntu akweti maka.

Luka 4:36

Antu yonsi yazunguka cuze yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wii ali na maka akupeela ilamulo ku mipasi yankota nga nayo ifuma!”

Mako 1:27

Antu yonsi yazunguka cuze, yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wi ali na maka akupeela ilamulo ku mipasi yankota, nayo imuyela!”

1 Kolinto 16:11

Kutaya umuntu nanti umwi uwa kumusula, lelo mulinzile kumwazwa kutwalilila lwendo lwakwe mu mutende. Nani ndamulolela suka lino alaweluluka kunondi. Nkupaalila alawela pamwi na ina itu yauze.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.