Tito 1:5 - Amazwi Yakwe Leza 2013

⁵ Nakusile mu Kulete, pakuti ulungike vintu ivyali nu kulungikwa. Nupya kuti usolole aikolo akutungulula iuvi muli cila musumba. Iusya vino nakutungulwile. Natile

Tito 1:5 Referans Kwoze

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

1 Timoti 1:3

Nkulonda kuti wemo wikale mu Efeso, wakwe vino nakukonkomizye lino nayanga ku Makedoniya. Antu yamwi kuku yakusambilizya masambilizyo yaufi, acino nkulonda kuti uyalesye.

Kasambilizya 12:9

Pamulandu wakuti kasambilizya wali uwamano, wene wakonkomizye antu vino wamanyile. Wasambilile imvwango nu kulondelezya nga azana icumi muno zili.

1 Kolinto 14:40

Vintu vyonsi vilinzile kucitwa umu nzila isuma nupya itantikwe.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

1 Kolinto 11:34

Wanzala azuka watalya ku ng'anda kwakwe, kuti mutapingulwa na Leza pamulandu wa kukongana kwinu. Lyene milandu yuze ino ntalanzile ndiza njimalile lyuze lino ndiza.

Milimo 27:21

Pacisila lino antu iikala nsita ntali kwaula cakulya, Paulo aimilila pakasi kao avwanga ati, “Mwe antu, mwakanyile munguvwe pakuti mutafuma ku Kulete. Lyene nga twalewike ukononeka kuu nu kuponzya kwa vyuma.

Milimo 27:12

Ilambwa litalinzile ukwikalapo insita ya mwela. Caleka antu aingi yalondanga kufumako ukwezya kuya ku Fonikisi, ilambwa lya mu Kulete ilyalolenkana na kaeya ki lunji mbali yuze na kimani.

Milimo 27:7

Lyene twapita panono panono pa manda aingi, ni ntazi ikulu cuze. Tusuka tufika pipi nu muzi wa Kinido. Pa kuzana vino umuza watulesyanga kuya pa nkolelo ya ntunga ilya, tupita mu nkumba ya cilila ca Kulete, kupuzya ku Salimone.

Milimo 11:30

Vii, avino yacisile nga yapela Saulo na Banaba musangulo uwo kuti yatwale.

Ezaya 44:7

Uzye aweni lyene uwakolana nani? Kaimilile, alande tuvwe, andondolwele. Ukutandikila pa vintu ivyacitike mpiti aweni angalondolola? Lekini atuumbwile ni vintu ivilacitika.

Kolose 2:5

Pano nanti angala nsi pamwi namwe, lelo nkaetetwila vintu uti indi pamwi namwe. Indi ni nsansa zya kumanya ukuti mukwikala umi uno mulinzile kwikala nga nu utailo uno mukweti muli Klistu wene ukomeleke.

Milimo 2:11

Ayuda nga na Akulukuwa yao asenukile ku mipepele ya Ciyuda. Yamwi munotuli aina Kulete nga na ina Alabya. Lelo swensi tukuvwa yakuvwanga mu ndimi zitu pamulandu ni vintu vikulu vino Leza wacita.”

1 Milandu 6:32

Umu nsita izivule yene yapokelananga ukwimba mwi Taalu lya Ukongano lyakwe Yawe, pa nsita ino Solomoni atali kuti akuule Ng'anda ikulu yakwe Yawe.

Milimo 27:13

Umuza uwaku kaeya utandika kupunga kanono, antu yelenganya vino mapange yao yamaomba. Caleka yakatusya nanga yapita pipi mu nkumba ya Kulete.

1 Kolinto 4:17

Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

Tito 1:12

Mwina Kulete umwisikulu, wenga uwa muli yakasema yao, uwavwanzile cumi lino wavwanzile ati, “Aina Kulete yene lyonsi antumpu. Yene yakoline wa vilyanyi. Yene yalilikisya nupya akasu.”

Aina Levi 14:42

Lyene yatole amawe yauze yakuulile muno yafumizye mawe yavuvume. Alino yatole ivu lyuze nu kutakasa ku lung'umba.