Oseya 9:6 - Amazwi Yakwe Leza 2013

⁶ Nanti angala yalutuka uononesi, aina Eguputo yalayakolonganya, nu ku yiika mu malindi kuku kwene ku Memfisi. Apa vyuma vyao vyakwe siluva palamela ivikona. Mu mang'anda yao mulamela imyunga.

Oseya 9:6 Referans Kwoze

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”

Ezaya 7:23

“Mu wanda ulya ivyalo vyonsi ivisuma umwayanga amatingi imiti izimbi lyonga, nupya umwafumanga icuma ukulingana na siluva izimbi lyonga muli cila calo, vyonsi vilasapilwa ni myunga na kuli yankololwe aalamela mwenemo.

Oseya 11:11

Yalawela ale yakuzakaza ungati ivyunyi, ukufuma ku Eguputo, Yalawela ungati ivipeele ukufuma ku Asilya. Lyene ndayatwala nupya kumwao. Kuu kuli kulanda kwakwe Yawe.”

Oseya 7:13

Kalanda kuno yali pano yene yansya. Si yale yononeke pamulandu wakuti yansangukila. Nemo nkalondesya ukuyatuula, lelo yakalukulanda sile vyaufi pali nene.

Ezaya 34:13

Umu masano monsi mulamelelwa imyunga, yalwenya na yankololwe. Mulasanguka icifulo cakwe yankusa, nu wikalo wakwe yasinsimwe.

Ezaya 32:13

Alino musakamale na pa myunga ino ilaakulila pamwi na yankololwe mu musili wa antu yane. Losyini amang'anda yonsi muno mukaikala antu nu luzango. Mulilisye mu musumba uno antu yakazevyamo.

Ezaya 27:12

Mu wanda ulya Yawe alakolonganika antu yakwe ukutandikila sile ku luzi Yufulate, ukuyapelela kuli nande waku Eguputo. Wene alayapaatulula wenga wenga ndi vino yakaelulula ingano ukufuma mu vinkapala.

Ezaya 19:13

Intunguluzi zyonsi zyamu Zoani zyatizisanguka iviwelewele, nga ni vilolo vyaku Memfisi vyasombwa. Yayo akatungulula aina Eguputo yaponzya impanga yao.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Mapinda 24:31

Monsi sile nazanyile mwamela imyunga, na sensele ale wakula wakwe cimwi. Ni cimpinda ca mawe ala cawa mpiti.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

2 Yamwene 13:7

Apa nsita iyo Yeowazi atakweti ivita ivingi. Walanga pasyala sile ivita ukufika nu kumpendwa ya makumi yasano, yao aomvyanga imfwalasi, alino amaceleta ikumi lyonga nga alino ni vita vyapansi navyo amazimbi ikumi. Icalenzile vivyo vyonsi umulandu wakuti umwene waku Asilya walanga wakoma ivita nyanya nu kulavilyatola ungati akulyatola ulukungu.

1 Samueli 13:6

Lino aina Izlaeli yalola ukuti lyene catala, pamulandu na ina Filisti kuyawilila na maka, iyatandika ukufisama umu macele na muli yapolowe alino nu mutumamfyata twa mawe kumwi numu vifula.

Yelemiya 2:16

Icacumi aina Memfisi na ina Tapenesi, yamupile inkanzu.

Yelemiya 42:22

Fwandi mucimanye ukuti mulafwa ku lupanga, ku cipowe nu ku mpungo mu ncende ino mukulonda ukuya mu kwikalamo.’ ”

Yelemiya 44:1

Izwi lii lyafikile Yelemiya pamulandu wa Ayuda yonsi yano yikalanga mu mpanga ya Eguputo, ku Migidoli, ku Tapenesi, ku Memfisi nu ku mpanga ya Patilosi.

Yelemiya 46:14

“Umini imbila ku Eguputo, nu ku Migido, mulaizye ku Memfisi nu ku Tapenesi. Muyanene yaiteyanye, pano ulupanga lumakomola monsi monsi luzinguluke.

Yelemiya 46:19

Teyanyini iviya vinu vyakusenda ku uzya, mwe ikazi aku Eguputo, pano Memfisi alasanguka aye wa lwanga, alononeka nupya mutalatala mwikale antu

Ezekelo 30:13

Yawe Simwandalali walanda wati, “Ndonona utuluwi kumwi na maunkolanya aku Memfisi. Kutalatala kuye umwene nupya mu Eguputo. Nupya ndoofya yonsi aikala monsi mu mpanga kwene ilya.

Ezekelo 30:16

Ndasonteka Eguputo umoto, nga Pelusiumu nawe alanyongotoka sile ku ukali. Amalinga yaku Teebesi nayo yalaongololwa, nga Memfisi nawe alononeka pyu.

Oseya 2:6

Caleka nemo ndasaka inzila yakwe ni myunga. Nupya ndamukuulilila icimpinda, kuti nupya atakapite umu nzila zyakwe kwene.

Oseya 7:11

“Aluko lwakwe Efulemu yakoline wa nkunda, itumpe, iyaula amano. Yene yakaama aina Eguputo, nu kuya ku Asilya kukulenga uwazwilizyo.

Zefaniya 1:11

Mwe muno mwikala umwi pamba lya mwisika lya mwamba, lino muluvwa ivintu vivyo muce mupomole impoma, pano aculuzi yonsi yalafwa.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 44:13

Ndiza imvunuke yano yalikala umu Eguputo ndi vino nacitile Yelusalemu, uku nkondo, icipowe ni mpungo.