Oseya 9:1 - Amazwi Yakwe Leza 2013

¹ Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Oseya 9:1 Referans Kwoze

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Yakobo 5:1

Mwe antu akama, ndakai nguvwini! Losyini nu kukuta pa malanda ali nu kumuponela!

Yakobo 4:16

Lelo ndakai muli ni cilumba nupya mukuitumika. Kuitumika kwa musango uu konsi ukuluvyanya.

Amosi 6:13

Mukuzangila ukuti mulacimvya umusumba wa Lodebala, nu kuvwanga muti, “Uzye swemo tutacimvizye umusumba wa Kalinaimu na maka itu swenga?”

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Oseya 5:7

Yene yasi acumi kuli Yawe, caleka ana yao nayo kwene yasi yakwe Leza. Acino ukuzevya kwao kwa inamasi kulayonona kumwi ni vyalo vyao.

Oseya 5:4

Imilimo yao iipe isiyazumilizya ukuwelela kuli Leza wao, pano yakweti imyenzo yakuntataila, nupya yasizumila vyapali Yawe.

Oseya 2:12

Ndonona imiti yakwe ya miolivi ni misamvu kwene iyo ino wene wavwanzile ukuti, ali malipilo yano akambwe yakwe yamulipa. Ndaisenula iye imisitu, nga inyama zya mpanga zilailya kuku kwene.

Ezekelo 21:10

Lwatilunyolelwa kusalipa, lwakulumbilwa kumyantula wa nkuwa! Patalolike uwa kululeuka, pano mwemo mwakana ukupandwa amano.

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”

Nyimbo zya ndosya 4:21

Sansamukini, zangini mwe antu amu Edomu mwe ikazi yamu Uzi, ponsi pano mutemilwe. Lelo namwe kwene uzanzo ulamuponela nga yalamupisya tupu, ni nsonyi zilamulema.

Ezaya 17:11

Lelo ivintu vino mungatemwamo ilelo nanti angala vingalemuka, nu kutuuta iluwa umu katondo, awe nce mutange mulole nanti acimwi icakuzombola. Uzombozi wa mwenemo ungamuletela sile ucuzi ni ntazi itangasila foo.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Masamu 73:27

Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Ezekelo 16:15

“Lelo wemo wayuvwanga apa kuyemba kwako, waleka nu lulumbi lwako lwakutwala uku ulalelale. Waipelesyanga kuli ucizelele uku mupita nzila ali wensi.

Ezekelo 16:30

Yawe Simwandalali wati, “Kalanda we! Vino umwenzo wako watovoka, imicitile yako ikoline nu mwanaci cizelele umukamuke!