Oseya 8:7 - Amazwi Yakwe Leza 2013

⁷ “Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

Oseya 8:7 Referans Kwoze

Mapinda 22:8

Katovya wa lufyengo, akasinza isyamo. Intuwa ya cipyu cakwe ilamupola aliwe kwene.

Yobo 4:8

Nemo vino nalola aevi: Yao akalima inkota nu kukomela imbezu ziipe, ali yano yakazombola uyi.

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.

Naumi 1:3

Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Oseya 7:9

Ainamasi yakayafipa amaka, ukwaula kuti yamanye. Yene yakwata imvwi, ukwaula kuti yamanye.

Oseya 2:9

Caleka ndamupoka ingano zyane apa nsita ya uzombozi nga na waini wane apa nsita yakufena amatingi. Ndamupoka pamba wane nga ni nsalu itelepelele vivyo vino wali nu kuzwala.

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Ezaya 17:11

Lelo ivintu vino mungatemwamo ilelo nanti angala vingalemuka, nu kutuuta iluwa umu katondo, awe nce mutange mulole nanti acimwi icakuzombola. Uzombozi wa mwenemo ungamuletela sile ucuzi ni ntazi itangasila foo.

Kasambilizya 5:16

Icintu cii cisi cisuma! Swemo tukaswilila umu mwata kwene uno twizilemo, vwile! Nga fwandi umuzano cii uno swe antu tukazana pakuzinganya umuza?

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

2 Yamwene 15:19

Lyene Pulu umwene waku Asilya wazanzile mpanga ya Izlaeli. Alino Menaemu apeela umwene Pulu siluva amakilogalamu 34,000 apakuti amwazwilizye ukuteeka uwene wakwe.

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Galatiya 6:8

Muntu ndi walondela vilondwa vya untunze, wene alafwa. Lelo ndi walondela Mupasi Wamuzilo, wene alapeelwa umi wape.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Nyimbo zya ndosya 5:2

Yatupoka impanga itu ku enyi, nga na mang'anda itu yapeelwa ku inamasi.

Oseya 9:16

Aluko lwakwe Efulemu yakoline wa cimuti icisindwe cino imisisi yakweco yuma, nupya citanga ciseeke iviseekwa. Nanti angala antu yayo yangavyala ana, nemo ndakoma ana yao akundwe.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Utandiko 41:23

Lyene ku lusawa ululi lumwi kwafuma misakinta nayuze cinimbali, inyale nupya ifooke pamulandu wa muza uno wafumanga mu lwanga.