Oseya 8:14 - Amazwi Yakwe Leza 2013

¹⁴ Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Oseya 8:14 Referans Kwoze

Malango 32:18

Yilile Yawe Leza wao, katuula wao uwamaka, wino uwayapile umi.

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

Amosi 2:5

Acino nemo ndaponyezya umoto mu Yuda, apakuti uce woce nu konona amalinga aku Yelusalemu.”

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Ezaya 17:10

Mwe ina Izlaeli, mwatimwilila Leza Katuula winu, mutiwisye Iciliwe cinu ni cele linu ilya kuzina mwenemo. Alino lyene camutwala uku kulimila akaluwi kaleza ka inamasi, icalo ca vilemwa vya luzango.

Amosi 1:10

Acino nemo ndayaponyezya umoto pa viumba vyao ivyazinguluka Tuli, nga umoto uo uloca amalinga yakweo.”

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Amosi 1:14

Acino nemo ndaponyezya umoto mu musumba waku Laba, nga umoto uo uloca amalinga yakweo, lino antu yakupunda pa wanda wa ulwi, nu kulwisyanya kulakanzuka wa cipunga.

Amosi 1:12

Acino nemo ndaponyezya umoto mu musumba wa Temani, nga umoto uo uloca amalinga ya musumba wa Bozila.”

Amosi 1:4

Acino nemo ndaponyezya umoto pa ng'anda yakwe Hazaeli, nupya umoto uwo uloca amalinga yonsi yakwe Beni Hadadi.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Yelemiya 23:27

Uku viloto vyao, yakalandilana nu kwelenganya ukuti yalalenga antu yane ukwilila izina lyane, ndi vino ivikolwe vyao vilile izina lyane umu kulondela Baali.

Yelemiya 3:21

“Icongo acico cuvwika apapela ya twamba. Ee, ukulila kwa ina Izlaeli nu kupapata kwao. Pasi pano yatiyanyonganika inzila yao, nu kwilila kuli Yawe, Leza wao.

Yelemiya 2:32

Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Ezaya 42:25

Acino wene watusokile apakalamba, nu kutuletela inkondo ikakate. Asonteka nu moto konsikonsi ukutuzinguluka, ukwaula na kuti tumanye icacitikanga. Umoto watoosile, lelo swemo tutasambililepo nanti cimwi.

Ezaya 42:13

Yawe akacincila wi lumba apakuya ku kulwa, wene waiteyanya nu muzonda wa cita. Wene alapunda izwi lyakukatusya ulwi. Alalanga amaka yakwe apa kucimvya anisi yakwe.

Ezaya 29:23

Pano mulalola ana yano lyene ndamupeela. Mulasininkizya nu kuti nene Leza Wamuzilo wakwe Izlaeli. Mulancindika nu kunkwatila icoopo.

Masamu 106:21

Yilila kuli Leza uwayakulwile, uwacisile ivintu ivikulu mu Eguputo,

2 Milandu 27:4

Wene wakuuzile imisumba mu mpanga yonsi ya Yudeya, iya myamba ni misumba ya malinga ni mpungu mu mitengo.

2 Milandu 26:10

Pacisila cakwe vyonsi vii, Uziya akuula impungu nu mulwanga kwene nga aimba ni vifula ivivule, pamulandu wakuti wene wakweti iviteekwa nyanya mu misana ya twamba nu mu manyika.

1 Yamwene 16:31

Wene walondesyanga ukwifya ukuluta vino Yeloboamu wifizye. Acino wapitilizye ukwifya pakutwala Yezebele umwana umwanaci wakwe Etibaali umwene wa ina Sidoni, nu kutandika kupepa Baali.

1 Yamwene 12:31

Nupya Yeloboamu wiyo ali pa kukuula ni ncende zino yakapepela mwenemo papela ya mwamba asolola na yasimapepo atali amu mupanda wakwe Levi.

2 Yamwene 18:13

Mu mwaka walenga ikumi na ini wakuteeka kwakwe Hezekiya, Senakelibu umwene waku Asilya walwisya imisumba yonsi iyakweti amalinga mu mpanga yakwe Yuda nu kuipoka.

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!

Ezaya 9:9

Aina Izlaeli yonsi, kuli kuti aina Efulemu kumwi na antu yonsi aikazi amu Samaliya, yalasininkizya ukuti avino wacisile. Ndakai yene yali ni cilumba nupya yakuituumika apakuvwanga yati,

Ezaya 9:10

“Nanti angala amang'anda ya njelwa yatiyawa, tulakuula amang'anda yauze a mawe. Yatiyatuputwila imikolongelo ya misamvu, lelo swemo tulapyanikizya iya miti imikelide.”

Yelemiya 5:17

Yene yaliza yamalile ivyakulya pamwi ni viseekwa vinu vyonsi pyu. Yalakoma ana inu aonsi na anaci kwene. Yene yalafyula iviteekwa vinu na maufyo inu nu konona amatingi kumwi ni misamvu inu. Anisi inu yalonona imisumba inu yamalinga, ino mwataila mwenemo.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.