Oseya 4:10 - Amazwi Yakwe Leza 2013

¹⁰ “Yene yalalya lelo ukwaula ukwikuta. Yalacita ulenzyo, lelo yatalasanduluka, pamulandu wakuti yene yafutatila Yawe, kuti yalondele tuleza tuuze.”

Oseya 4:10 Referans Kwoze

Mika 6:14

Mumalyanga lelo ukwaula ukwikuta. Mumauvwanga inzala lyonsi. Mumakoozya vintu lelo vitalasungwa. Pamulandu wakuti vintu vino mulasunga vilononwa umu nkondo.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Zefaniya 1:6

Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.

Oseya 4:14

Lelo ntalavunuka ana inu anaci pamulandu wa uzelele wao, ntalavunuka yanyokovyala pamulandu wa kulongozya kwao. Pano mwe onsi namwe mukapita na yacizelele, nu kupeela impolelwa pali pamwi na yacizelele aku ncende yakupepelapo. Antu aulilwa amano yalononeka.

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Mapinda 13:25

Umuntu musuma asiulilwa ivyakulya ivikumanile, lelo umunda ya muntu mwipe mukayenza cee uku nzala.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

2 Milandu 24:17

Lino Yeoyada wafwa, ivilolo vyaku Yuda iviza ku kupakata umwene Yosiya ukwi sano lyakwe, kuti avyuvwila sile. Nga umwene nawe avipokelela nu kuvyuvwila.

Yelemiya 34:15

Mwemo umwilelo mwaiyelako, mwacita icilungame apa manso yane, apa kuuma imbila, iyakuti cila muntu alinzile wapeela umuze untungwa. Mwapangana nu upangano apa manso yane umu ng'anda ikulu iyakumpepelamo, ikaamilwa umwi zina lyane.

Ezekelo 22:9

Antu yako yamwi yakatumpwila auze pakuti yayakome. Yamwi nayo yakalya impolelwa izikatuulilwa utuluwi mu ncende zino yakapepelamo mu myamba. Yamwi yakacina iviila vitazifile lyonsi sile.

Oseya 7:4

Yonsi kwene yasi na utailo, nupya usomvi wao ukulunkuma wa moto uwamu citofu, uno kapanga wa mikate asisonsela ukutandikila sile lino akukanda umunya mpaka na lino wakatuka.

Yelemiya 9:12

Alino lyene nuzya inti, “We Yawe uzye pacani cino impanga yononekela vii nu kuumalala wa lwanga, cakuti mwakana ukusyala nanti umuntu uwakupita mwenemo? Uzye aweni angakwata amano akumanya icintu cii muno calola? Uzye akuli weni kuno walondolola icintu cico pakuti nawe anganena auze?”