Oseya 14:6 - Amazwi Yakwe Leza 2013

⁶ Imisambo yao iteku ilavunguluka, Yalayemba wa miti ya miolivi, Yalanunkila wa mukelide waku Lebanoni.

Oseya 14:6 Referans Kwoze

Masamu 52:8

Lelo nemo nayasile wa muti umuolivi, ukakulila pipi ni ng'anda yakwe Leza. Nataila umu kutemwa kwakwe Leza ukwa pe.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Yoane 15:1

“Nene mutingi wa cumi na Tata ali mulimi.

Mateo 13:31

Yesu ayanena mulumbe nauze ati, “Uwene wa mwiyulu ukoline wa lumbezu lwakwe musunta luno umuntu watile mu calo cakwe.

Yelemiya 11:16

Apa mpiti nemo natazile njama ukuti umuolivi umwi uvunde amafwa nupya uno wakopoka ni viseekwa umwisika ivisuma. Lelo apilelo pene namalepuka sile wa nkuwa. Namaoca amafwa alembe nu kukontola ni nsala zyonsi zyakweo.

Masamu 128:3

Umuci wako alakolana nu mutingi ukaseekesya, umu ng'anda yako. Ana yako nayo yalaya wa tululembelya twamu olivi.

Utandiko 27:27

Lino wapalama kuti amutonsole Isaki anunsya lyena lya vizwalo vino Yakobo wazwite, nga amupolelela ati, “Kununkila kusuma kwa mwana wane kukoline ukununkila kwa calo cino Yawe wapolelela.

Masamu 92:12

Asuma yene yamalelemanga wa tuncindu, yamaikalanga wa miti italimpisye, imikelide iya ku Lebanoni.

Ezaya 27:6

Mu wanda ulya aina Izlaeli ana yakwe Yakobo yace yazyansye wa misisi ya miti. Yene yalakula ningo, yalawalula nu kulemba ningo. Insi yonsi ilalimba iviseekwa vya micitile yao isuma.

Ezaya 35:2

Ulwanga lulimbila inyimbo nu kutololoka ni nsansa. Impanga iyali iyononeke ilayemba wa mwamba waku Lebanoni. Ilaya nu muvundo wa vyalo vyaku Kalimeli nu ku Syaloni. Antu yonsi yalalola ululumbi lwakwe Yawe, ukucindama kwakwe Leza. Yene yalalola ukulu na maka yakwe vino vyaya.

Ezaya 66:14

Lino mwemo mwaca mumalola ivintu vii imyenzo inu ilasansamuka. Mulakwatisya amaka nu mutende. Alino lyene mulasininkizya ukuti fwandi mu cumi anene nkaazwa yano yamfukilila nupya nu kuti nkavunukila anisi yane.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”