Oseya 14:1 - Amazwi Yakwe Leza 2013

¹ Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Oseya 14:1 Referans Kwoze

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Oseya 12:6

Lelo mwe amu mupanda wakwe Yakobo, sintililini muli Leza nu kuwela kunoli. Mwatemwana nu kucita vya ulungi, muye acumi kunoli nu kuteeka imyenzo insita zyonsi.

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Oseya 13:9

“Ndonona mwe ina Izlaeli! Uzye lyene aweni angamwazwa?

Nyimbo zya ndosya 5:16

Kutacili nanti cimwi cino tungakwatilapo icilumba. Kalanda kunotuli, pano twifya!

Oseya 5:5

Icilumba ca ina Izlaeli casanguka umboni wakuyanenola. Cumi kwene Efulemu amapumeka umu maifyo yakwe. Yuda nawe kwene amapumeka pamwi na aliyo.

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Ezaya 19:22

Yawe alatuma impungo umu Eguputo, lelo wene alayapozya. Alino nayo yalaswilila kuli Yawe, nga nawe aluvwa ku mipapatile yao nu kuyapozya ace ayapozye.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Ezekelo 33:14

Lelo nemo nga cakuti na ceula umwipe ukuti amafwa, nga nawe wata ukwifya, watandika nu kucita ivya ulungi ni vyaololoke,

Oseya 4:8

Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Oseya 10:12

Muitandile uololoke, nga mulazombola upolelelo uwa kutemwa kwane ukwa muntaputuka. Umini mazela mwi sala linu pano insita yakulondalonda Yawe yatifika. Mwalukulonda Yawe mpaka ace awele ku kwiza mupongolwela upolelelo.

Oseya 12:8

Aluko lwakwe Efulemu yakaitutumula yati, ‘Endi, sweswe yakama, twatitukwata icuma civule, kusi umwi wino angatupeela umulandu wakukwila icuma mu ucenjezi.’

2 Yamwene 8:12

Hazaeli nawe asuka auzya ati, “Uzye pacani fwandi cino watandika ukulila vivyo?” Elisya nawe aasuka ati, “Apamulandu wakuti ni ndola ivintu ukwipa vino ulacita ku ina Izlaeli. Wemo uloca amalinga yao, ulakomola alumendo yamaka yonsi, ulapolola utwana twao ni mpungo mpaka tufwe, alino nu kupanza ya mama yonsi anyomelile.”

Ezekelo 16:46

“Nyokolenzi wali a Samaliya, wino watenzi intunga yaku katutu kako pamwi na ana yakwe ya kaci. Umutowako umwanaci a Sodoma, pamwi na ato yakwe yakaci, yao yano ikalile lwaku ntunga ya kayeya kako.

Oseya 9:13

We Yawe, natindola vino ana yao yakuyalunga nu kuyakoma wa nyama. Aluko lwakwe Efulemu yalatungulula ana yao uku nkondo kuko kuno yalakomwa.

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.