Oseya 13:6 - Amazwi Yakwe Leza 2013

⁶ Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Oseya 13:6 Referans Kwoze

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Neemiya 9:35

Lino yali umu mpanga yao isalale ino wayapile, iyo iyali ivunde, ivyuma vya mwenemo ala vili mbwee, lelo nalyo kwene yaposiwe ukuzenzuka nu kukutumikila.

Malango 32:18

Yilile Yawe Leza wao, katuula wao uwamaka, wino uwayapile umi.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Oseya 8:4

Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Ezaya 17:10

Mwe ina Izlaeli, mwatimwilila Leza Katuula winu, mutiwisye Iciliwe cinu ni cele linu ilya kuzina mwenemo. Alino lyene camutwala uku kulimila akaluwi kaleza ka inamasi, icalo ca vilemwa vya luzango.

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Ezekelo 28:5

Wemo wali umulamoke mukucita uculuzi nupya watwalilile kukwata umuzano wakwe cimwi, ali cino uli ni cilumba pamulandu wa vyuma vyako.”

Oseya 2:7

Wene alasimwilila akambwe yakwe, lelo atalayazana. Afuma akuyalondalonda, lelo ukwaula kuyazana. Lyene alavwanga ati, “Ndaswilila ku wane wilya ndi vino nacisile ilyankolelo, pano apa nsita ilya natenzi ningo lino nali na aliwe, ukuluta vino ntenzi pali ndakai.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Oseya 4:7

“Lino yasimapepo yavulilako, nu kwifya kwao kunondi ikuvulilako. Acino ndasangula ucindami wao kuti uye umuzewanya.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Oseya 12:8

Aluko lwakwe Efulemu yakaitutumula yati, ‘Endi, sweswe yakama, twatitukwata icuma civule, kusi umwi wino angatupeela umulandu wakukwila icuma mu ucenjezi.’

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.