Oseya 13:14 - Amazwi Yakwe Leza 2013

¹⁴ “Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Oseya 13:14 Referans Kwoze

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Masamu 49:15

Lelo nemo, Leza alapususya umwenzo wane, alansompola kuti ntaponela umwi lindi, nu kumpokelela.

Masamu 30:3

We Yawe, watufumya umwenzo wane ku mfwa, watumfumya muli yayo akaya ukwi lindi, nu kumbwezezya uumi.

Yobo 33:24

Umungeli angatezela alwale yayo nu kuyapapatila ati, Yapususyini kuti yatafwa. Natinzana inzila yakuyakulwilamo.’

Loma 11:29

Pano Leza asyasenuka pali wino wasolola nu kupolelela.

Masamu 86:13

Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”

Umbwilo 20:13

Lyene yemba afumya afwe ali mwenemo. Imfwa ni cifulo ca antu afwe navyo kwene vifumya afwe ali mwenemo. Na onsi yapingwilwe kulingana ni vintu vino yacisile.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.

2 Kolinto 5:4

Swemuno tuli mu mutanda uu tukanyomelwa nupya tukateta. Tusyalonda kusya mili ino ilafwa, lelo tukalonda kuzwalilapo yuze ino italatala ifwe. Pakuti icikafwa cizimiwe ni cisyafwa.

Loma 11:15

Leza wafutatile Ayuda nga pacisila awikizyanya na antu yauze muno nsi. Uzye cilaya uli lino alapokelela Ayuda nupya? Cumi cilaya wa kuzyukuka kufuma ku mfwa.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Oseya 6:2

Umu manda yaili nanti yatatu wene alatupuputula, nga naswe tulaya nu umi pa manso yakwe.

Masamu 71:20

Wemo awewe ukandetela amizu na malanda. Lelo nupya awewe kwene ulampuputula. Nu kumfumya uku milomo yi lindi.

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Filipi 3:21

Wene alasenula mili itu itonte iyakufwa kuti ikolane nu mwili wakwe uwalulumbi. Wene alacita cii pa kuomvya maka yano wakwata akucimvya vintu vyonsi.

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.

Yelemiya 20:16

Umuntu kwene wiyo kaye wa misumba kwene ilya ino Yawe wononyile ukwaula uluse. Sangala auvwa impooma zya ulanda umu katondo, ni mpooma zya nkondo lino ilanzi lyafika umutwe pakasi.

Yelemiya 31:35

“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.

Ezekelo 37:9

Alino Leza anena ati, “We mwana wa muntu, sesemela umuza amazwi yane. Nena umuza ukuti, ne Yawe inku ukonkomezya ukuti utunke monsi monsi nu kwiza putilizya umu vyala apakuti vyafuuta nupya.”

Yobo 41:22

Lyene umu nsingo yakweco umwayela amaka, na antu yonsi akacikumya mwenemo, yakaoopa.

Masamu 49:16

Utasakamala umuntu umwi nga walonka ivyuma, nu ucindami wa ng'anda yakwe ndi wakulila kweneko.

Oseya 7:10

Icilumba ca ina Izlaeli cikuyalilila aisikulu. Lelo nanti cingaya vivyo yene yatawela kuli Yawe Leza wao, nanti ukumulondalonda konsi.