Oseya 10:14 - Amazwi Yakwe Leza 2013

¹⁴ anisi inu yalamukatusizya inkondo. Amalinga inu yonsi yalononwa ndi vino cali apa wanda wa nkondo lino umwene Syalamani ononyile umusumba wa Beti Alibele. Wene walenzile ukuti yamangu kumwi na ana yao yalyatolwe.

Oseya 10:14 Referans Kwoze

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Habakuku 1:10

Yene yakasausya yamwene nu kuzewanya intunguluzi. Kusi ilinga lili lyonsi ilingayalesya, pasi pano yene yakatulika amasenga akukwelelapo; nu kupoka umusumba uo uwi linga.

Naumi 3:12

Amalinga yako yalakolana wa misamvu ino iviseekwa vyakweyo vyacitandika ukuca. Lino antu yaipukunya, amasamvu yaponela mu mulomo wakwe wiyo akasi ukuyalya.

Naumi 3:10

Lelo kwene antu amu Teebesi yalemilwe nga yasendwa mu uzya. Ana yao yonsi kwene yasyunozilwe pansi mu miseo yonsi yamu musumba uwo. Anisi yapendozile apa kwankana antu acindame yano yaya mwenemo, kumwi ni ntunguluzi zyakweo iyazinyepa mu minyololo.

Amosi 9:5

“Mwene, Yawe Wamaka yonsi, akakumya insi nga nayo itenta, nga yonsi aikala mwenemo iyalila. Insi yonsi ikatuka nu kupona wa luzi lwa Nailo.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Yelemiya 48:41

Umusumba wa Kelioti ulapokwa nga na malinga yalapokwa. Mu wanda ulya imyenzo ya vita vyaku Moabu ilaya wa mwenzo wa mwanaci wino ali pipi nu kulela.

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Ezaya 17:3

Ku Efulemu kutalaya umusumba wi linga, nu ku Damasiko kutalaya uwene. Aina Alamu alasyalapo yalapupana wakwe cimwi, ungati sile avino cali ku ina Izlaeli.” Ivyalanda Yawe Wamaka yonsi.

2 Yamwene 18:33

Uzye mwatazile imulola impanga imwi ino leza umwi wapuswisye umu makasa ya ina Asilya?

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

Utandiko 32:11

Ntuule, napapata ukufuma ku maka ya mwinane Esau. Nuvwa intete zyakuti wiza tuzanza nu kutukoma swensi pyu, kumwi na anaci nu twana kwene.

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

2 Yamwene 17:3

Lino Syalimaneseli, umwene waku Asilya, wizile amulwisya, umwene Hosyea wene wizile acimba kunoli, amupeela nu musonko cila mwaka.

Oseya 10:15

Mu musango uli umwi kwene avino vilamucitikila mwe ina Betele, pamulandu wa ukakasi winu ukulu. Lilyo kwene lino inkondo ilatandika, umwene waku Izlaeli nawe alakomwa.”

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.

Mika 5:11

Ndonona imisumba yamu mpanga inu nu kuwisya amalinga inu.