Neemiya 9:27 - Amazwi Yakwe Leza 2013

²⁷ Fwandi nawe ali cino wayapile mu makasa ya anisi yao, nayo ali pakuyacuzya. Na lino yacuziwa cuze yapunzile ntulwe kunoli. Nawe ali pakuyuvwa ukwako kwiyulu, nga ku luse lwako ulukulu uyapeela akuyatuula, akuyakuulula ku anisi yao.

Neemiya 9:27 Referans Kwoze

2 Yamwene 14:27

Lelo Yawe wene atalondanga ukukoma aina Izlaeli yonsi foo. Icalenzile nu kuti ayakulule ukupitila umu mwene Yeloboamu umwana wakwe Yeoasyi.

2 Yamwene 13:5

Alino Yawe atumila aina Izlaeli intunguluzi iyo iyaile iyakulula uku uzunyo wa ina Asilya. Ukufuma papa ali lino aina Izlaeli yatandike ukwikala umutende mu mang'anda yao, ndi vino yikalanga mpiti.

2 Milandu 36:17

Icaleka lyene Yawe wasuka wayatumila umwene waku Babiloni uku kuyazanza, wiyo uwizile akomola alumendo yonsi amu mpanga ya Yuda, nu mu Ng'anda ikulu yakwe Leza, ukwaula kusya nanti wenga, umulumendo nanti umukazyana, umukombe nanti umukoloci. Leza ayapeela yonsi kwene mu makasa yakwe.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Obadiya 1:21

Aku Yelusalemu yano yali mu uzya ku Sefaladi yalazanza nu kucimvya aina Edomu, nga nu kuyateeka. Lyene uwene onsi ulaya uwakwe Yawe.”

Neemiya 9:19

Lelo wemo ku luse na mizu yako akulu utatazile uyatazyele foo, lino yali mu lwanga. Imvumba ya cunsi ci kumbi itatazile iyasye. Apa macaca ali ino yayatungululanga inzila ukwa kulungama, nga usiku cimbilimbili ca moto naco cayakozezyanga umwakupita.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

2 Yamwene 17:20

Yawe wakantwile aina Izlaeli yonsi, wayakana, nga ayapanika nu kuyapela umu makasa ya anisi yao akakate, suka apakupelelekezya wayakoma sana, nu kuyatalusya uku cino cakwe.

2 Yamwene 17:39

Muce mwauvwila nene ne Yawe Leza winu, nani ndamutuula lyonsi uku anisi inu.”

Masamu 136:24

Watupuswisye umu minwe ya anisi itu, pano luse lwakwe ulwa pe na pee.