Neemiya 9:15 - Amazwi Yakwe Leza 2013

¹⁵ “Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Neemiya 9:15 Referans Kwoze

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Kufuma 17:6

Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

Kufuma 16:4

Lyene Yawe anena Mose ati, “Ndakai namalenga kuti ivyakulya vinu mwensi vipone wa mvula ukufuma mwi yulu. Antu yalinzile yafuma yaya yakolonganika ivyakulya nu kusenda vyakulingana nu kulya kwa wanda onga. Mu nzila kwene ii ningamanya ndi antu yangalondela malamulo yane.

Ezekelo 20:15

Acino nani mu lwanga kwene ali pakulapa ukuti ntalayatwala mu mpanga ino nayapeela, impanga ikankala nupya yamuvundo, yaluta impanga zyuze zyonsi ku usuma.

Masamu 114:8

Wene wasangwile iciliwe ukuya wa cilambe ca manzi na mawe akome ndi ukuya tufukoka twa manzi.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.

Neemiya 9:20

Wapiile umupasi wako usuma apakuti yasundike. Wayimwile mana nga uyapeela na manzi akukoma ulusala.

Malango 1:21

Lolini, Yawe Leza winu watamupeela impanga. Yangini mukapokolole impanga ilya wakwe vino Yawe, Leza wa vikolwe vinu, wamunenyile. Mutuvwa intete nanti kutovoka.’

Mpendwa 14:30

Kusi nanti wenga alingila mu mpanga ino nalafile ukumupeela kuti mwaikalamo, suka sile Kalebu umwana wakwe umonsi Yefune nga na Yoswa umwana umonsi wakwe Nuni.

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Ezaya 48:21

Lino Yawe wapisyanga antu yakwe umu lwanga, umukaye see uku cipuki, nupya umuume ndi, antu yakwe yataculanga ku lusala awe. Wene walenzile ukuti amanzi yafukoka umu ciliwe. Yawe walepwile iciliwe na manzi yapongwela.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.