Neemiya 12:7 - Amazwi Yakwe Leza 2013

⁷ Saluu, Amoki, Hilikiya na Yedaya. Yakwene yali intunguluzi zyakwe yasimapepo ali aomvi yauze mu manda yakwe Yesyua.

Neemiya 12:7 Referans Kwoze

Zakaliya 3:1

Umu cilolwa cuze Umwene Leza wandanzile Simapepo Mukulu Yoswa, ala aimilile lwa pambali ya mungeli wakwe Yawe. Nupya wandanzile na Satana wiyo uwimilile ukwilunji lyakwe Yoswa apakuti angamuvwangila kweneko.

Hagai 1:1

Mu mwaka wakwe ciili uwa kuteeka kwakwe Dalyusi, apa wanda uwakutandika uwa mwezi wakwe mutanda, amazwi yakwe Yawe yafikiile kuli kasema Hagai. Amazwi yali akunena Zelubabeli, umwana umonsi wakwe Syeatieli, umulasi waku mpanga yaku Yuda. Nga alino nakuli Yoswa, umwana umonsi wakwe Yeozadaki, Simapepo Mukulu.

Neemiya 12:1

Yakwene aali yasimapepo na ina Levi yano yawelulwike pamwi na Zelubabeli umwana umonsi wakwe Syeatieli, nga na Simapepo Mukulu Yesyua yali ndi vii: Selaya, Yelemiya, Ezila,

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

1 Milandu 24:18

ukwalenga amakumi yaili na vitatu ikulema Delaya, ukwalenga amakumi yaili na vini ikulema Maaziya.

2 Yamwene 18:18

Ali lino lyene yatumile ukuti umwene angiza. Nga lino aomvi yatatu, amazina yao a Eliakimu umwana wakwe Hilikiya kangalila wakwisano, na Syebina kalemba waku cilye ca milandu, na Yowa umwana wakwe Asafu, kasunga wa milandu, ali pakufumila apanzi ku kuyakomenkanya.

Neemiya 12:6

Syemaya, Yoyalibu, Yedaya,

Neemiya 12:8

Aina Levi yali ndi vii: Yesyua, Binui, Kadimiyeli, Syelebiya, Yuda nga na Mataniya kwene, pamwi na aomvi yauze, wiyo uwangalilanga imimbile ya nyimbo zyakutaizya.