Neemiya 12:36 - Amazwi Yakwe Leza 2013

³⁶ Pali na aomvi yauze ndi vino yaa: Syemaya, Azaleli, Milalai, Gilalai, Maai, Netaneli, Yuda na Hanani. Yakwene yanyemulanga ivyakulizizya inyimbo, vyapanzilwe na Davidi umuntu wakwe Leza wilya. Kalemba Ezila uwatungululanga.

Neemiya 12:36 Referans Kwoze

Neemiya 12:24

Intunguluzi zya ina Levi zyali ndi vii: Hasyabiya, Syelebiya na Yesyua umwana umonsi wakwe Kadimiyeli, yazwananga na aomvi yauze umu kwimba inyimbo zya kulumbanya nu kucindika ndi muno Davidi kwene umuntu wakwe Leza wilya wapelile ilamulo lyakuti cila umba lilinzile lyakwata uluti lwa kwimba.

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

1 Milandu 23:5

antu 4,000 yalinzile ukuya yakalinda yapa mpongolo, nga antu yauze 4,000 yalinzile ukulumbanya Yawe ni vyakulizizyako inyimbo vino nayapeela.”

Amosi 6:5

Umulimo winu ukulizya sile amazeze kwati a Davidi, nu kusika inyimbo zya kwimbila ni vinyenye.

Ezila 8:1

Uu, uli utantiko wa ntunguluzi zya ng'anda izyawelulwike pamwi na alio ukufuma ku Babiloni mu manda ya kuteeka kwa mwene Alitakisesi:

Ezila 7:1

Apacisila ca vintu vii, umu manda ya kuteeka kwakwe Alitakisesi umwene waku Pesya, kwali kweneko umuntu wino yatemile izina Ezila. Wene wali umwana umonsi wakwe Selaya, umwana umonsi wakwe Azaliya, umwana umonsi wakwe Hilikiya,

Mpendwa 1:8

Ukufuma muli Isakali, mwasololwa Netaneli umwana wakwe Zuali.

Neemiya 12:35

Yamwi muli yasimapepo alizyanga intandala yali ndi vii: Zakaliya umwana umonsi wakwe Yonatani, umwana umonsi wakwe Syemaya, umwana umonsi wakwe Mataniya, umwana umonsi wakwe Mikaya, umwana umonsi wakwe Zakuli, umwana umonsi wakwe Asafu.