Naumi 1:8 - Amazwi Yakwe Leza 2013

⁸ Lelo wakwe mulamba uwa mukuku, Yawe akalovya anisi yakwe. Na yao akamusangukila wene akayazingila ku mfwa.

Naumi 1:8 Referans Kwoze

Ezekelo 13:13

“ ‘Icaleka Yawe Simwandalali wavwanga wati, Ndasapula icipunga ca muza uku cipyu cane, ndatonyezya ni mvula ya mawe mu cipyu cane ica ononyi.

Ezaya 28:17

Ulungami ali uno umaya umwando wakupimilako utali wa mufula, alino ukulungika nako kumaya ali kacela ka kumwando aka kupimila kweneko ukololoka kwa mufula.

Ezaya 8:22

limwi iyatumbwila sile amanso pansi. Awe cumi icauwelewele sile, iyazana imfinzi, nayo iyamalanda sile. Apa nsita iyo iya cimvulunganya, antu yatalalola apakufyonsezya.

Zefaniya 2:13

Yawe alaomvya amaka yakwe ku katutu nu konona impanga ya Asilya. Umusumba wa Ninive alaucita wa citalang'anda nupya ulaya uumalale wa lwanga.

Amosi 8:8

Acino insi ilatenkana, nga nu muntu wensi mu mpanga alanyunguluka! Impanga yonsi ya pansi ilasunkana wa Luzi lwa Nailo, yene ilakatuka nu kupona wa luzi lwa Nailo waku Eguputo.”

Mateo 8:12

Lelo antu yano yange yaye mu wene yene yalasumbwa kunzi mu mfinzi, mumo muno yalalila nu kulumanya ncecete pamulandu wa kuwaika.”

Mateo 7:27

Lyene imvula itonya, mulamba nawe aiiza ni cipupu ciza cipuma pa ng'anda iyo, nga nayo ipona, kupona kukulu cuze.”

Naumi 2:8

Antu amu Ninive yali wa ciziya, icati cipongoka na manzi yakweco yakwikilila. Antu yamwi yakupunda yati, “Imililini! Imililini!” Lelo kutali uwakuswilila mwenemo.

Naumi 1:1

Yaa amazwi yakwe Yawe asowilwe pamulandu nu musumba wa Ninive. Naumi uwaku Elikosyi walemvile ivintu vino waweni mu cilolwa.

Danieli 11:40

“Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.

Danieli 11:22

Ali wensi wino alamusangukila, nanti angaya a Simapepo Mukulu wakwe Leza, wene yalamukoma nu kumulovya.

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Mapinda 4:19

Inzila ya antu aipe, yaya wa mfinzi usiku, yene yatange yamanye cino yakupumikako.

Yobo 30:15

Ivyakungofya vyanduta amaka. Ucindami wane watiwononeka nu kusendwa kwati umu muza. Wene usipo, watiupita wi kumbi. Alino utailo wakupusuka, wene apasi watupita wi kumbi.

Danieli 11:10

“Ana yakwe aonsi yalaiteyanya ku kulwa inkondo nu kukolonganika impuka ya vita ikulu. Umwana wenga pali yayo alafuma watauwa wa mukuku nga alwisye umusumba wa anisi uwa malinga.

Yobo 40:11

Ale lyene soka tuvwe, lolekesya antu ya vilumba uyatonsye.

Ezaya 13:9

Wanda wakwe Yawe uliiza kwaula uluse. Ulaya uwanda wa ukali ni cipyu cikalamba. Ulasangula impanga iye amapooli nu konona kaifya wensi.

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Ezaya 28:2

Yawe alipo na umwi wiyo wamaka wino amatuma ku kuyazanza. Amaiza kunoyali wa mvula ya mawe, wa mvula ya cipunga nupya yakwe mulamba uwatauwa nu kwiza unzya impanga.

Yelemiya 51:64

Uvwange nu kuti, ‘Ali vino Babiloni alalowa. Atalatala nupya azyuke kwi syamo lino ndamuletela.’ ” Apa pelela amazwi yakwe Yelemiya.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.

Ezaya 28:18

Icuvwano cino mwemo muvwana ni mfwa cilasila, nu upangano uno mwapangana ni nsi ya afwe, nao kwene ulasila. Lino icinkunka caca ciza, ciliza cimufikile.