Naumi 1:6 - Amazwi Yakwe Leza 2013

⁶ Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Naumi 1:6 Referans Kwoze

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Masamu 76:7

Wemo, ala antu pasi pakoopa wewe, yakakoopa wakwe cimwi! Aweni fwandi angazyansya kunuli ndi cakuti wakalipa?

Ezekelo 30:16

Ndasonteka Eguputo umoto, nga Pelusiumu nawe alanyongotoka sile ku ukali. Amalinga yaku Teebesi nayo yalaongololwa, nga Memfisi nawe alononeka pyu.

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Nyimbo zya ndosya 2:4

Akukana ulapwa nu kutusonta ni nceto ungati sweswe anisi yakwe. Watakomola vyonsi vino ilinso lingatemwa ukulola. Watapongolwela icipyu cakwe wa moto, umu mang'anda yakwe swe ina Zioni.

Ezaya 27:4

“Nata ukuilizyanya apa calo. Ndi cali cakuti yankololwe ni myunga avino vyakwatilamo umuzano, nemo ningavilwisya suka sile imvyoce pyu.

Ezaya 10:16

Ali cino fwandi Yawe Wamaka yonsi, wasya alete indwala nu kuvunuka yayo akalya ningo. Umu mili yao muli nu kuya umoto uwa kupya cila nsita.

Masamu 90:11

Aweni angamanya apangapelela ukali wako, nanti ukumanya apangapelela amaka yako ni cintinya cakusoka kwako?

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

Umbwilo 16:8

Lyene mungeli uwalenga yani apongolwela vyamu lweso lwakwe api lanzi, nga ilanzi lizumiliziwa ukoca antu ku cikaililwa cikali cuze.

Umbwilo 16:1

Nupya nuvwa izwi likulu kufuma mu Ng'anda ikulu yakwe Leza, likulanda ku angeli cinimbali liti, “Pitini mukapongolole ngeso cinimbali zya ukali wakwe Leza pa nsi!”

Umbwilo 6:17

Pano wanda wa ukali wao wati wiza, uzye lyene aweni angimilila?”

Yobo 40:11

Ale lyene soka tuvwe, lolekesya antu ya vilumba uyatonsye.

Masamu 130:3

We Yawe, ndi cakuti wasunzile ivyalembwa apa maifyo itu, we Mwene uzye lyene aweni angapusuka?

Ezaya 13:13

Caleka ndasunkanya iyulu, nga ni nsi ilasokomoka pano iikalila, apamulandu sile nu ukali wakwe Yawe Wamaka yonsi, mu wanda uno wene alafuluma cipyu cipyu.

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Ezekelo 7:8

Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Ezekelo 21:31

Lino ndakukatukila wa cimbilimbili ca moto, alino wemo uluvwa apapela icipyu cane. Ndakusumbila ku antu aya wa vilyanyi ku ukali, ku antu amanya ukusalipa.

Ezekelo 39:6

Ndaponyezya umoto pa mpanga ya Magogi alino nu mu nkumba zyakwe yemba nu mwikala antu ku matwi cele. Nga alino lyene yalamanya ukuti nene indi Yawe.

Zefaniya 2:2

lino anisi inu yatali kuti yize yamusende ndi vino umuza ukaululula cungu, lino ukali wakwe Yawe utali umuponele, lino uwanda wa ukali wakwe utacili wize.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Yobo 9:5

Leza umweneco akatenula imyamba, ukwaula ukuti iyeneco imanye nu kumanya. Akaipenola ndi cakuti wasoka.

Yobo 26:11

Apikalila iyulu pene pakatelengana uku ntete, lilyo lyonsi lino Leza wapakalipila.

Masamu 76:8

Lino imipingwile yako yuvwikike ukufuma ukwiyulu, impanga yazakize, yazuka na cele,

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Nyimbo zya ndosya 2:3

Uku cipyu cakwe watamala amaka yakwe Izlaeli, ukukana nu kutwazwa lino anisi yatuzanza. Umu kusoka kwakwe, lino asokile swe ana yakwe Yakobo, akulunkuma sile wa moto nu konona akantu akali konsi.