Naumi 1:5 - Amazwi Yakwe Leza 2013

⁵ Imyamba ikatenkana pa manso yakwe, nu tulundu nato tukasunguluka. Insi ikasunkana lino Yawe waloleka, kuli kuti insi yonsi kumwi na antu aikala mwenemo yazakaza.

Naumi 1:5 Referans Kwoze

Mika 1:4

Imyamba iyo ikusunguluka pano walyata ungati ipula mu moto, nga ni vyati visunguluka ivikonkolokela mu vifoloma, wa manzi akukonkolokela ku mikonko.

Yelemiya 4:24

Lino nalolekesya imyamba, indola ukuti ikusunkana. Ni milundu yonsi nayo ikutelengana.

2 Samueli 22:8

Lyene insi izakaza nu kusunkana. Umufula wa lwelele iutenta, nu kuzungana pamulandu wakuti Leza wasosile!

Habakuku 3:10

Lino imyamba yakulola, itandika kuzakaza. Amanzi yapongoloka ukufuma ukwiyulu. Na maimbi yakatuka papela wakwe cimwi.

Masamu 68:8

impanga yatensile ni yulu nalyo lyatelengine, apa cinso cako kwene we Leza, we kateeka waku Sinai. Apa cinso cako kwene we Leza wakwe Izlaeli.

Yakapingula 5:5

Imyamba yatensiwe pa manso yakwe Yawe, Yawe wa Sinai, pa manso yakwe Yawe Leza wa ina Izlaeli.

Masamu 114:6

Namwe mwe myamba, icani cino mwatolokelanga wakwe yasuuku, namwe kwene mwe milundu, cino mwatolokelanga wa twana twa mfwele?

Masamu 114:4

Imyamba nayo yatolokanga amalimba wakwe yasuuku. Imilundu nayo kwene yatolokanga wa twana twa mfwele.

Masamu 98:7

Yemba kalunkume kumwi na vyonsi ivyaya mwenemo, ni nsi yonsi kumwi na ikala mwenemo.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Umbwilo 6:14

Ni yulu nalyo lifumiwa wa kukupikwa kwa lupapulo, nga ni myamba pamwi ni vilila vyonsi vyafumiwe pa vifulo vyaviko.

Masamu 18:7

Lyene insi ali pakusunkana nu kutenta. Amasinte ya myamba pasi pakutelengana apamulandu nu kali wakwe Leza.

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Ezaya 24:1

Cenjelini, Yawe alonona insi yonsi pyu, yapano pansi nu kuisenula ulwanga. Alavulunganya ukuyemba kwa iko, nu kusalanganya antu yonsi aikala mwenemo.

Ezaya 24:20

Insi yonsi imapempezyokanga ungati umuntu wilya, wino watakoleka waini. Imasunkananga ungati akamusakuta kano icipunga cikupunganya. Insi yonsi yatiyinamila sile apa nsi pamulandu nu uyi wakwe iliyo, imaifwanta sile pansi icinzamba, icakuti nu kukatuka italatala ikatuke foo. Akasita kamwi kamafikila lino Yawe amapezya.

Yowelo 2:10

Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Yobo 9:5

Leza umweneco akatenula imyamba, ukwaula ukuti iyeneco imanye nu kumanya. Akaipenola ndi cakuti wasoka.

Yobo 26:11

Apikalila iyulu pene pakatelengana uku ntete, lilyo lyonsi lino Leza wapakalipila.

Masamu 18:8

Umu mpuno zyakwe imwasuka ni cunsi, mukanwa kakwe namo imufuma icimbilimbili ca moto, icikaisye icinyesula nu munyeswa.

Masamu 104:32

Wene akati nga walolekesya pano nsi, awe cumi impanga iyazakaza yonga sile, nga wakumya uku myamba iyasuka sile icunsi.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Ezekelo 38:20

Inswi zya muli yemba, ivyunyi vya mwiyulu, inyama zya mpanga na vyonsi ivikasela pansi, na antu yonsi pano nsi yalazakaza uku ntete pa mulola wane.

Amosi 9:5

“Mwene, Yawe Wamaka yonsi, akakumya insi nga nayo itenta, nga yonsi aikala mwenemo iyalila. Insi yonsi ikatuka nu kupona wa luzi lwa Nailo.