Naumi 1:3 - Amazwi Yakwe Leza 2013

³ Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Naumi 1:3 Referans Kwoze

Masamu 147:5

Umwene witu umukulu nupya uwamaka. Amano yakwe amuntapimwa.

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Masamu 145:8

Yawe uwakutemwa nupya wazula amizu. Akalengela ukusoka nga wakwatisya amizu.

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Masamu 103:8

Ala Yawe uwaluse uwa cikuku, asisoka zuwa, wavulisya ulukundo.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Mpendwa 14:18

‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Mateo 26:64

Yesu aasuka ati, “Watuvwanga. Lelo nkunena mwensi kwene vino mulalola Mwana wa Muntu atenzi kwi kasa lilunji lyakwe Leza Wamaka yonsi nu kwiza mu makumbi.”

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Yobo 38:1

Lyene Yawe aasuka Yobo umwi zwi ukufuma mu cipuupu.

Yobo 10:14

Lino nifyanga wancelekanga sile apakuti nemo ntakalole apa kufuntukila umukuponga kwane.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

2 Samueli 22:10

Wene alepula iyulu pakasi nga aika pansi, ni kumbi ilitifi ale lili pa ngazo zyakwe.

Ezaya 29:6

Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.