Naumi 1:15 - Amazwi Yakwe Leza 2013

¹⁵ Lolini, uku mwamba kuku, kukwiza umuntu umwi wino asenzile ilandwe lisuma, ilya mutende pa kucimviwa kwa ina Asilya! Mwe antu amu Yuda, si mule muzevye ivimulo vinu, nu kufikilizya imilapo inu kuli Yawe. Antu ya ukakasi yatalatala yazanze impanga inu nupya. Yene yatiyononwa pyu.

Naumi 1:15 Referans Kwoze

Ezaya 52:7

Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.

Loma 10:15

Uzye yangakosolelwa uli ndi umwi atatumilwe? Ndi vino calembwa mu malembelo cati, “Lolini vino cazipa kulola ingazo zyakwe yao akwiza ku kukosola Ilandwe Lisuma!”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Luka 2:10

Lelo mungeli ayanena ati, “Mutoopa, pano namuletela Ilandwe Lisuma, lino limaleta uluzango ulukulu ku antu onsi.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Masamu 107:15

Kayale yalukulumbanya Yawe, apa kutemwa kwakwe ukwa pe na pa milimo yakwe iyakuzunguka ino wacitila ana ya antu!

Masamu 107:8

Kayale yalumbanya Yawe apa kutemwa kwakwe ukwa pe, nga na pavizungusyo vino akacitila ana ya antu.

Aina Levi 23:4

Mwazevya ivimulo vii pa nsita zino vyasontwa.

Aina Levi 23:2

“Nena aina Izlaeli uti, ‘Manda akuzevya yano nasolola akucindika Yawe, yano mulinzile kumanyisya kuti yaye amaukongano yamuzilo, amanda yakuzevya yano Nene nasolola aeya:

Naumi 1:14

Yawe wapeela ilamulo lyapali mwemwe, mwe ina Ninive, ati, “Mutalakwata amu mupanda akuti yatwalilile ukwimika umupanda winu. Nupya ndonona utuluwi twinu utuwaze nu twakwengulula utwaya mu ng'anda ikulu yakwe tuleza twinu. Nkumuteyanyizizya ilindi umwakuti ince muziike, pano mutalinzile kuya nu umi!”

Ezaya 41:27

Anene sile nenga ne Yawe Leza nanenela calimwi Zioni imilandu. Anene natumile inkombe ku Yelusalemu, uku kuyafisya amazwi ya nsansa, akuti antu yakwe yali umu nzila, yene yakuweluluka kumwao!

Ezaya 42:11

Lekini ulwanga ni misumba iyaya mwenemo vilumbanye Leza. Lekini aina Kedali yamulumbanye. Lekini aina Sela yamwimbile nu luzango, yumile nu tupundu apapela apa myamba.