Mpendwa 9:7 - Amazwi Yakwe Leza 2013

⁷ Nga yamunena yati, “Sweswe yakowele pamulandu wa kukumya ku cala, lelo pacani cino tutangazumiliziwa kwizapeela amawila itu apali ponga na anji aina Izlaeli pa nsita iyazumiliziwa?”

Mpendwa 9:7 Referans Kwoze

Malango 16:2

Muce mwaya pa ncende ili yonga kwene iyakupepela penepo. Ali pano muce mwafyulila imfwele yonga pa mfwele zinu nanti ing'ombe, wa mpolelwa ya Cimulo ca Ucilo kuli Yawe Leza winu.

Mpendwa 9:2

“Ukaleke aina Izlaeli yace yaiusya ukuzevya Cimulo ca Ucilo pa nsita iyasontwa nga vino cilinzile ukuya.

Kufuma 12:27

Muce mwasuke muti, ‘Cii, impolelwa ya Cimulo ca Ucilo ca kucindika Yawe, pamulandu wakuti wacilile mang'anda ya ina Izlaeli mu Eguputo, lino wakomile aina Eguputo lelo asya amu ng'anda zitu.’ ” Lyene intunguluzi zya ina Izlaeli zifukama nga zipepa Yawe.

Mpendwa 9:6

Lelo kwali aonsi yamwi yao yano yakweyowizye pamulandu wa kukumya icala, nga yaposiwe kukumako ku kuzevya kwa Cimulo ca Ucilo, mu wanda kwene uwa. Ali pakwiza kuli Mose na Aloni.

Mpendwa 9:8

Mose nawe ali pa kuyasuuka ati, “Lolelini mutale muleke nuzye Yawe kuti nuvwe vino amanena pamulandu namwe.”