Mpendwa 34:6 - Amazwi Yakwe Leza 2013

⁶ “Umupaka waku uwondaka wene ulaya a Yemba kwene wa Adiliya.

Mpendwa 34:6 Referans Kwoze

Ezekelo 47:20

“Ku uwondaka ali kuno Yemba wa Adiliya alaya umupaka, ukufika apa lungatana nu wingililo waku Hamati. Uo ulaya ali mupaka waku uwondaka.

Ezekelo 47:15

“Ni mipaka ya mpanga aeyi: lwaku katutu umupaka ulatandikila kuli Yemba wa Adiliya nu kulondela umuseo waku Hetiloni, ukulungama ku wingililo waku Lebo Hamati, ukulungama ku Zedadi,

Ezekelo 47:10

Apa cituntu palazanwa yakavuwa nu kuteya imikwau yao ukufuma ku Engedi mpaka nu ku Enegilaimu. Inswi zilaya zya misango yonsi nu kuvulisya wa nswi zya muli Yemba wa Adiliya.

Yoswa 23:4

Iusyini vino napeezile impanga yao yonsi ku mitundu inu kuti iye icaupyanyi, impanga ya antu yonsi yano nacimvya ni ya antu yonsi yano yasyala pakasi ka Luzi lwa Yodani nga na Yemba wa Adiliya lwaku ufumondaka.

Yoswa 15:47

Na Asyidodi, kumwi ni misumba ni mizi yakweyo. Na Gaza, kumwi ni misumba ni mizi yakweyo ukufika nu ku Luzi lwa Eguputo nga ni mpanga yamu nkumba yakwe Yemba wa Adiliya.

Yoswa 15:12

Inkumba yakwe Yemba wa Adiliya uli mupaka waku uwondaka. Ikwene ili mipaka ya mutundu wakwe Yuda ukulingana ni nko zyao.

Yoswa 9:1

Lyene yamwene yonsi aikalanga ku uwondaka wa Luzi lwa Yodani yuvwa ivintu vii vyonsi, yano yonsi aikalanga mu mpanga ya myamba, nu mu misana ya twamba yaku uwondaka, nu mu nkumba yonsi yakwe Yemba wa Adiliya kufika na lwaku katutu ku Lebanoni, nga na yamwene ya ina Hiti, na ina Amoli, na ina Kenani, na ina Pelizi, na ina Hivi, nga na ina Yebusi

Yoswa 1:4

Impanga inu ilatandikila ku lwanga ku kaeya ukufika nu ku Myamba ya Lebanoni mpaka nu ku Luzi lwa Yufulate alino nu kwiza senuka ku mpanga yonsi iya ina Hiti mpaka nu kwizasinta kuli Yemba wa Adiliya, yonsi ii ilaya impanga inu.

Mpendwa 34:5

Ukufuma ku Azimoni, umupaka ulafutukila ku cifoloma ca kaluzi akalungama ku Eguputo nu kwizafika kuli Yemba wa Adiliya.

Mpendwa 34:7

“Umupaka waku katutu nao ulaya vii. Ulatandikila kuli Yemba wa Adiliya ukufika ku Mwamba wa Holi.

Malango 34:2

Alino ni mpanga sile yonsi iya Nafutali, iya ina Efulemu ni ya ina Manase, iya ina Yuda ukufika sile na lwaku uwondaka kuli Yemba wa Adiliya.

Yoswa 15:11

Umupaka ulya iuya lwaku mutentemuko wakwe Ekiloni, nupya iusenukila ku Syikeloni, iulambila ku Mwamba wa Baala nga iufika ku Yabuneele. Umupaka uwa iupelela muli yemba.