Mpendwa 29:39 - Amazwi Yakwe Leza 2013

³⁹ “Vivyo ali vyeo vino muli nu kulondela pa kupeela amawila kuli Yawe mu manda inu yonsi a vimulo vyakuzevya. Vii, ali vya kulunda pa mawila inu akufikilizya ulayo uwakuzanzya Yawe, alino na pa mawila yakoca pamwi na mawila ya cakulya na a vyakumwa, nga na pa mawila autandano.”

Mpendwa 29:39 Referans Kwoze

Aina Levi 23:2

“Nena aina Izlaeli uti, ‘Manda akuzevya yano nasolola akucindika Yawe, yano mulinzile kumanyisya kuti yaye amaukongano yamuzilo, amanda yakuzevya yano Nene nasolola aeya:

2 Milandu 31:3

Umwene watozile icipande ca vyuma vyakwe umwisikulu, kuti apeele amawila yaa: amawila ya katondo, na mawila ya manguzi, na mawila yapa Masabata, napa wanda wandoleko ya mwezi napa manda yauze amuzilo ndi muno calembelwa mu masunde yakwe Yawe.

1 Milandu 23:31

Alino yalinzile ukucita icili cimwi kwene lino yakupeela amawila yakoca kuli Yawe apa Masabata na pa kuzevya imyezi ipya, nga na pa uzevyo wa vimulo vyuze. Ni vipope vyapilwe ivyakulondolola impendwa ya ina Levi alinzile ukuomba imilimo kwene ii cila nsita. Aina Levi yapilwe umulimo wa kupepa Yawe umuyayaya.

Ezaya 1:14

Natimpata uwanda ukulu uwandoleko ya mwezi kumwi na manda yakulu yauze yano mukampepelapo. Vivyo lyene vili wa cisendo kunondi, nkuposiwa ukusenda.

Neemiya 10:33

Tukaapeela impiya zyakulondela ivintu vii: umukate wamuzilo, amawila ya mbezu, amawila yakoca, amawila yakupeela pa Sabata, amawila yaku ndoleko ya mwezi, na apa manda asontwe a vimulo vya kuzevya, ni vintu vyamuzilo, amawila yakwelela amaifyo ya ina Izlaeli, alino nu kupeela icili consi icingalondwa ku mulimo waku Ng'anda ikulu yakwe Leza.

Ezila 3:5

Alino ukulunda pa mpolelwa kwene zyakoca cila wanda, yapeelanga na pa manda yaya atantikwa insita zyonsi, ku ndoleko ya mwezi, alino na mawila apa manda akulu yonsi asontwe nga na yano yapeelanga kuli Yawe uku kuitemelwa kwao.

Aina Levi 7:11

Yaa, ali malamulo ya wila wa utandano uno ukapelwa kuli Yawe.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Mpendwa 6:21

Yaa, ali masunde ya mwina Nazili, uwalaya ukupeela uwila kuli Yawe ukulingana na masunde ya kupaatulwa kwakwe, kulunda pali consi cino angapeela pa kufikilizya ulayo uno wacita.

Aina Levi 23:28

Mutaomba nanti umulimo umwi pa wanda uwo, pamulandu wakuti uli wanda wakucita ulutambi lwa kufuta amaifyo inu.

Mpendwa 29:38

Kuye kweneko na sawe wenga uwa wila wa kwelela amaifyo. Vii, ali vyakulunda pa wila wakoca uwa cila wanda, nu wa cakulya nu wa vyakumya vyao.

Mpendwa 29:40

Acino Mose ali pakunena aina Izlaeli vyonsi kulingana na vino Yawe wamupeezile ilamulo.

Amosi 5:22

Nanti angala mwandetela amawila inu akoca na mawila ya mbezu, nemo ntalapokelela. Nanti angala mwandetela amawila inu autandano asuma cuze, nemo ntalayazumila awe.

Aina Levi 23:38

Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Mpendwa 28:2

“Peela ilamulo lii ku ina Izlaeli uyanene uti, ‘Mulinzile ukusakamala ukutwalila Yawe amawila yakwe pa nsita ilinzile, uwila wa vyakulya uwakoca, uwa mununko usuma ukazanzya Yawe.’

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

Ezila 3:4

Nu kuwaka yawakanga sana amanda ya uzevyo ndi vino uwanda wakuzevya Cimulo ca Nsakwe, nu kupeela impendwa ya mpolelwa zyakoca ndi vino calemvilwe ukupeela cila wanda.