Mpendwa 21:24 - Amazwi Yakwe Leza 2013

²⁴ Lelo aina Izlaeli iyatola impanga zyao nga iyakomola anisi yao, nga iyapoka ni mpanga yakwe Siooni ukutandikila ku Luzi lwa Alinoni lwaku katutu kaku Yaboki, kuli kuti ku ina Amoni, lelo iyapeelela sile ku mupaka wao, pamulandu wakuti umupaka wao wacingililwe cuze.

Mpendwa 21:24 Referans Kwoze

Amosi 2:9

“Lelo manyini ukuti nononyile aina Amoli pamulandu winu, kumwi nu wa mbezu, nanti angala yene yali atali wa miti imikelide, nanti angala yene yali na maka wa miti imioko.

Masamu 136:19

Wakomile Siooni, umwene wa ina Amoli, pano luse lwakwe ulwa pe na pee.

Neemiya 9:22

“Wayapile impanga nyanya pamwi na antu kwene. Yacimvyanga imitundu yonsi iya palamile uku mpanga ino wayapile. Yapokolwile Hesyiboni, impanga ino Siooni wateekanga, ni mpanga yakwe Basyani, umwateekanga Ogi.

Yoswa 24:8

Alino lyene namulesile ku mpanga ya ina Amoli, yano yikalanga lwaku ufumondaka wa Luzi lwa Yodani. Yene yamulwisizye, nga lelo nemo nayapile mu makasa inu. Nemo nayononyile pa manso inu, nga namwe imupoka impanga yao.

Utandiko 32:22

Usiku kwene ulya, Yakobo akatuka na aci yakwe yoili, na azya yakwe anaci yoili, nga na ana yakwe yonsi ikumi na wenga, aya alamba Luzi lwa Yaboki apilambwa.

Yakapingula 21:8

Lyene iyuzya yati, “Uzye umutundu cii uwa ina Izlaeli uno utaile ku kukongana kuli Yawe ku Mizipa?” Yazanyile ukuti kutali umutundu umwi ukufuma ku Yabesyi Gileadi uwizile ku nkambi ku kukongana.

Yoswa 9:10

na vyonsi vino wene wacitile yamwene yaili ya ina Amoli lwaku ufumondaka wa Luzi lwa Yodani, na Siooni umwene waku Hesyiboni, na Ogi umwene waku Basyani, wino wateekanga mu Asyitaloti.

Malango 29:7

Lino twafisile pa ncende kwene ii, Siooni umwene waku Hesyiboni na Ogi umwene waku Basyani yatukomenkinye ukwiza tulwisya. Lelo twayacimvizye,

Malango 3:16

Amu mutundu wakwe Lubeni na wakwe Gadi nayo nayapile impanga iyakutandikila mu Gileadi ukufika nu ku Luzi lwa Alinoni. Pakasi ka luzi apaya umupaka wao uwaku kaeya, nga nu mupaka wao uwaku katutu waya ku Luzi lwa Yaboki, ni cipande cimwi ica luzi kwene luu uli mupaka wa ina Amoni.

Mpendwa 21:13

Alino iyatenuka ukufuma kuku nga iyaya yakuula insakwe ku mbalama ku katutu ka Luzi lwa Alinoni, mu lwanga ulwafuminkana ukufika ku mpanga ya ina Amoli. Luzi lwa Alinoni ali mumpaka wa ina Moabu na ina Amoli.

Yoswa 13:12

Kuli kuti uwene onsi wakwe Ogi mu Basyani, wino wateesile mu Asyitaloti nu mu Edilei nupya wali a wenga pali yao asilepo mu ina Lefaimu. Lelo Mose wacimvizye yamwene yaa yaili nu kuyazingila ukutali.

Yakapingula 11:13

Umwene wa ina Amoni aasuka inkombe zyakwe Yefuta ati, “Umulandu uwakuti lino aina Izlaeli yafumile ku Eguputo yamposile impanga yane, ukutandikila ku Luzi lwa Alinoni kufika ku nu Luzi lwa Yaboki nu ku Luzi lwa Yodani. Lyene umbwezezye impanga iyo mu mutende.”

Malango 1:4

Cii cali pacisila lino wene watacimvya Siooni umwene wa ina Amoli, wino wateesile mu musumba wa Hesyiboni, nga na Ogi umwene waku Basyani, wino wateesile mu misumba ya Asyitaloti na Edilei.

Malango 4:46

lino yali mu cifoloma lwaku uwondaka wa Luzi lwa Yodani, pipi nu musumba wa Beti Peoli. Mwali mu mpanga yakwe Siooni umwene wa ina Amoli, wino uwateekanga mu musumba wa Hesyiboni. Mose pamwi na Ina Izlaeli yamucimvizye lino yafumile mu mpanga ya Eguputo.

Malango 31:4

Yawe umwisikulu alamupeela ucimvyo pa antu yaya wakwe vino wacisile kuli Siooni na Ogi, yamwene ya ina Amoli nu konona impanga yao.

Yakapingula 10:11

Yawe ayaasuka ati, “Aina Eguputo, na ina Amoli, na ina Amoni, na ina Filisti,