Mpendwa 2:2 - Amazwi Yakwe Leza 2013

² “Lino aina Izlaeli yakukuula insakwe zyao, cila muntu alinzile kukuula ukuyelile inzipa yakwe ni mendela zya luko lwakwe. Nupya yalinzile yakuula ukuzingulusya Itaalu lya Ukongano, apafuntwikeko.”

Mpendwa 2:2 Referans Kwoze

1 Kolinto 14:40

Vintu vyonsi vilinzile kucitwa umu nzila isuma nupya itantikwe.

1 Kolinto 14:33

Pano Leza asyalonda cimvulunganya, suka sile kuvwana nu mutende. Ndi vino caya mu mauvi yonsi ya antu yakwe Leza,

Yoswa 3:4

Lyene mulamanya intunga ukwakuya, pasi pano mwemo mutatazile mupita umu nzila ii. Lelo ukufuma apayelile Mbokosi iyo ya Upangano mulinzile ukusyalikila musye iciposi ukulingana intampulo kilomita wenga. Mutakezye ukupalamila ku Mbokosi iyo.”

Mpendwa 10:25

Pakusyalikizya pizile pakatuka yao a nzipa ya nsakwe zya amu mutundu wakwe Dani. Wali ali wakufundikizya pa nsakwe zyonsi, nayo iyatenuka mu mpuka mu mpuka. Intunguluzi yao a Aiezeli umwana wakwe Amisyadai.

Mpendwa 10:22

Alino pizile palondelela iumba lya nzipa ya amu nsakwe zya amu mutundu wakwe Efulemu, mu mpuka mu mpuka. Intunguluzi yao a Elisyama umwana wakwe Amiudi.

Mpendwa 1:50

Mucifulo cakwe cico, yene muce muyapeele umulimo wa kuwaka Itaalu lya Ukongano pamwi ni viombelo vyonsi ivyayamo. Ali yano yali nu kulisenda kumwi ni viombelo ivyayamo, nga nu kutumika mwenemo, nu kukuula insakwe ukulizingulusya.

Kolose 2:19

Nupya yene yata kulemana pamwi na Klistu, wino ali mutwe wi uvi. Klistu akapeela mwili maka, nupya wene akaomvya vilundwa vyakwe pamwi ni misipa kulundanya vyonsi pamwi, nga ukula ndi vino Leza akalonda kuti ukule.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Zakaliya 9:16

Lino uwanda uo ulafikila, Yawe alapususya antu yakwe, ndi vino kacema akapususya imfwele zyakwe. Nayo yalaengesa mu mpanga yakwe, wa tumawe twamutengo utukayengesa mu ngala ya wene.

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

Ezaya 18:3

Uvwini kuno mwe antu mwemuno mwikala pano nsi, mwemuno mwalimba insi yonsi. Lino ulunga lwakweziwa apapela ya mwamba, mulole! Lino ipenga lyalila, muvwe!

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Masamu 76:11

Mwatuula Yawe vino mukamulaya, mwamuletela ivya mawila mwemwe mwensi, mwe mitundu iyapalamila. Leza akalenga antu ukuti yamoopa.

Mpendwa 10:18

Alino pizile ipalondelela iumba lyakwe ciili. Ilili nzipa ya nsakwe zya amu mutundu wakwe Lubeni. Intunguluzi yao a Elizuli umwana wakwe Syedeuli.

Mpendwa 10:14

Inzipa ya nsakwe zya mutundu wakwe Yuda iyatandike ukupita kulingana namuno yayatantikile. Ni ntunguluzi yao wali a Nasyoni umwana wakwe Aminadabu.

Mpendwa 2:10

Lwaku kaeya, imitundu ya nzipa ya nsakwe yakwe Lubeni yalinzile kukuula insakwe zyao kulingana na maumba muno yaya. Ni ntunguluzi ya antu yakwe Lubeni a Elizuli umwana wakwe Syedeuli.

Mpendwa 2:3

Lwaku ufumondaka, imitundu ya nzipa ya nsakwe yakwe Yuda yalinzile kukuula insakwe zyao kulingana na maumba muno yaya. Ni ntunguluzi ya antu yakwe Yuda a Nasyoni umwana wakwe Aminadabu.

Mpendwa 2:1

Yawe anena Mose na Aaloni ati,

Mpendwa 24:2

Lino Balamu akwiza akwinula amanso, alola aina Izlaeli papa pano yakuuzile insakwe zyao, ala yali muli cila mutundu mutundu. Alino lyene Mupasi wakwe Leza iwikila panoli,

Masamu 74:4

Anisi yako yakucina nu kutampoka ni nsansa zya kucimvya umwi Taalu lyako. Yati yasimpa ni mendela yao wacilangililo ca kucimvya kwao.