Mpendwa 1:50 - Amazwi Yakwe Leza 2013

⁵⁰ Mucifulo cakwe cico, yene muce muyapeele umulimo wa kuwaka Itaalu lya Ukongano pamwi ni viombelo vyonsi ivyayamo. Ali yano yali nu kulisenda kumwi ni viombelo ivyayamo, nga nu kutumika mwenemo, nu kukuula insakwe ukulizingulusya.

Mpendwa 1:50 Referans Kwoze

Kufuma 38:21

Ii, iili mpendwa yakwe zaabu, siluva, nu mukuwa vino yaombile imilimo mwi Taalu lyakwe Yawe, mumo muno vipampa vya mawe apalemvilwe Masunde vyasungwa wakwe vino Mose wapeezile ilamulo. Aina Levi ali yano yali nu ulasi wa kuvipenda, nupya uwayatungululanga a Itamali umwana wakwe Aaloni simapepo.

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

Kufuma 31:18

Lino Yawe wamala kuvwanga na Mose pa Mwamba wa Sinai, apeela Mose vipampa vya mawe yaili, vivi kwene vino Leza umwisikulu walemvilepo amasunde ni ikasa lyakwe.

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Mpendwa 20:11

Alino Mose azunzula ikasa lyakwe, auma na pa ciliwe ni ntuwa amaila yaili. Awe amanzi iyatandika nu kufuma nyanya sile. Ni iuvi lyonsi ilimwa kumwi ni viteekwa vyao.

Masamu 122:4

Kukwene kuli kuno imitundu yomokela, imitundu yamu Izlaeli kuli kuno ikwiza, uku kupeela intaizyo kuli Yawe ukulingana ni lamulo lyakwe.

Neemiya 13:5

nupya wazumilizye Tobiya kuti angaomvya umuputule ukalamba uno mpiti yasungilanga mwenemo ubani, uwila wa usu, icikumi ca ngano, waini na mafuta. Kuli kuti vyamusangulo vino yapaatwilanga aina Levi, yakiimba ya nyimbo, yakalinda ya mpongolo, na yasimapepo.

Neemiya 12:47

Acino mu manda yakwe Zelubabeli, nga nu mu manda yakwe Neemiya, aina Izlaeli yonsi yapeelanga amawila cila wanda akwazwilizya yakiimba pamwi na yakalinda amu Ng'anda ikulu yakwe Leza. Nupya yapaatwilile aina Levi icipande cao, nga aina Levi nayo yapaatwilile amu mupanda wakwe Aaloni cipande cao.

Neemiya 12:22

Mu manda yakwe Elyasyibu, Yoiyada, Yoanani na Yadua, ali Yasimapepo Akulu, palemvilwe amazina ya ntunguluzi zya ng'anda zyakwe yasimapepo na ina Levi mpaka ukwizafika mu manda ya kuteeka kwakwe Dalyusi umwene waku Pesya.

Neemiya 12:8

Aina Levi yali ndi vii: Yesyua, Binui, Kadimiyeli, Syelebiya, Yuda nga na Mataniya kwene, pamwi na aomvi yauze, wiyo uwangalilanga imimbile ya nyimbo zyakutaizya.

Mpendwa 10:21

Lyene aina Levi aluko lwakwe Koati nayo iyatenuka, ala yasenzile ivintu vyamuzilo. Lino yatali yafike pa cifulo cino yali nu kukuulapo insakwe, Itaalu lya Ukongano ala lyatilimikwa mpiti.

Mpendwa 2:17

Alino lyene aina Levi yali nu kutenuka yapita pakasi na nkasi ka maumba yaili ankolelo na yaili acisila yala yasenzile Itaalu lya Ukongano. Cila umba lili nu kutenuka mu utantiko uli onga na uno yakakuulilamo insakwe, cila umba ukuyelile inzipa yao.

Mpendwa 1:53

Lelo aina Levi yali nu kusimpa mataalu yao ukuzinguluka Itaalu lya Ukongano kuti yalicingilila, pakuti ukali wakwe Yawe utafulumila aina Izlaeli.”

Umbwilo 15:5

Pacisila cakwe vii naweni Ng'anda ikulu yakwe Leza mwiyulu ala yati yulwa, nupya mwali ni taalu lyakulanga ukuti Leza ali mwenemo.

Mpendwa 17:7

Mose nawe aika intuwa zizyo zyonsi mwi Taalu lya Ukongano, pa nkolelo ya Mbokosi ya Upangano yakwe Yawe.

2 Milandu 24:6

Cico icalenzile kuti umwene aame Yeoyada simapepo mukalamba nga amuuzya ati, “Uzye pacani cino utanena aina Levi kuti yasonkesye impiya ku Yuda nu ku Yelusalemu, zino Mose umuomvi wakwe Yawe wapile ilamulo kwi uvi lyonsi lya ina Izlaeli kuti yasonke, izya kuomvya ku milimo ya Ng'anda ikulu yakwe Yawe?”

Mpendwa 4:3

Nu kupenda aonsi yonsi ali ni myaka amakumi yatatu ukufika pa myaka amakumi yasano. Ayanena kuti yalole angalinga kutumikila mwi Taalu lya Ukongano.

Mpendwa 8:19

Nayapaatula ku ina Izlaeli nu kuyapela uwila kuli Aaloni na ana yakwe, pakuti yaomba umulimo mwi Taalu lya Ukongano uno ukumile aina Izlaeli, nga na kuti yacitile aina Izlaeli ulutambi lwa kufuta amaifyo pa maifyo yao nu kulesyanya uzanzo uli onsi kuti utayaponela ndi cakuti yapalama pipi ni Ncende Yamuzilo.”

Mpendwa 8:20

Acino Mose na Aaloni pamwi ni uvi lyonsi lya ina Izlaeli iyacitila aina Levi kulingana na vino Yawe wapeezile ilamulo kuli Mose.

Mpendwa 8:22

Alino lyene aina Levi ali pakuya alinge ukuomba umulimo wao uwa mwi Taalu lya Ukongano. Aaloni na ana yakwe nayo yaya yakapitao kunoyali. Yacitile aina Levi vii vyonsi wakwe vino Yawe wapeezile ilamulo kuli Mose.

Mpendwa 18:5

Wewe pamwi na ana yako muli nu kuwaka Ncende Yamuzilo pamwi na kavuwa. Lyene ukali wakwe Yawe utalatala upone pa ina Izlaeli.