Milimo 9:38 - Amazwi Yakwe Leza 2013

³⁸ Ku Yopa kutaali ukutali kufuma ku Lida, nga alino alondezi ali mu Yopa yuvwa ukuti Petulo ali mu Lida, yatuma aonsi yaili na mazwi yakuti, “Twapapata, pitisya iza kuno.”

Milimo 9:38 Referans Kwoze

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 9:32

Petulo wapitanga konsi konsi, nga pa kasita kamwi waile atandalila antu yakwe Leza ku Lida.

Yoswa 19:46

nu ku Meyalikoni nga na Lakoni, kumwi ni ncende iyalungatana na Yopa.

2 Milandu 2:16

Swemo kuno tumatema imiti yonsi iya mbao zisuma ino ukulonda ukufumya umu myamba yaku Lebanoni. Tumainyepanga umu myanzi wa vilako, nu kwisumbila apa manzi pali yemba. Alino ilafuma ikwelela ukuya uku Yopa. Namwe ali kuno mulaipokelela nu kuizuulula nga muitwale uku Yelusalemu.”

Ezila 3:7

Lyene iyasangula ulupiya ulwa kulipila yakaconga ya mawe na yakalepula ya mbao, nga yapeela ivyakulya ni vyakumwa pamwi na mafuta ku ina Sidoni na ina Tuli, apakuti nayo yangafumya imiti ya mikelide uku Lebanoni. Alino yailete kuli yemba, ifike uku Yopa ndi muno Kilusi mwene waku Pesya wapelile insambu.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Milimo 9:19

Pacisila lino walya cakulya, maka yawela munoli. Saulo watenzi na alondezi amanda yanono mu Damasiko.

Milimo 9:42

Lyene impwelo ya pali cii isalangana konsi mu Yopa, antu aingi yataila mu Mwene.

Milimo 9:43

Lyene Petulo watenzi mu Yopa pa manda aingi pamwi nu muntu umwi uwali kanyuka wa mpapa, zina lyakwe a Simoni.

Milimo 10:5

Ndakai tuma antu yamwi ku Yopa ku muntu umwi zina lyakwe a Simoni Petulo.

Milimo 10:8

Alino ayanena icacitike nga ayatuma ku Yopa.

Milimo 11:5

“Lino napepanga mu musumba wa Yopa, naweni cilolwa. Naweni cintu cimwi cikoline wa cisalu cikulu cikwika pansi ku masempele yakweco yani, ala cikufuma mwiyulu, nga cifika panondi.

Milimo 11:13

Nawe atunena vino waweni mungeli aimi mu ng'anda mwakwe, amunena ati, ‘Tuma umuntu umwi ku Yopa kuya aama umuntu izina lyakwe Simoni Petulo.