Milimo 9:31 - Amazwi Yakwe Leza 2013

³¹ Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Milimo 9:31 Referans Kwoze

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Ezaya 33:6

Wene alamupeela umutende ufumaluke mu manda inu pano nsi. Wene alamupeela ukucenjela nu kumanya kuti vice vimupususye. Ukoopa Yawe ali kuno kukaletela umuntu cuma kwene cii.

Mapinda 23:17

Utazuwila yakaifya umu mwenzo wako, wemo uwaopa sile Yawe amanda yonsi.

Masamu 86:11

We Yawe, unsambilizye ukucita vino ukalonda pakuti nakutontelela mu mipitile yane na pakuti naoopa izina lyako.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Neemiya 5:9

Ali cino nani nkumunena inti, “Cino mukucita citazifile foo. Uzye musikulonda mwapita na antu akwatila Mwene Leza witu coopo apakuti mutaleka intusi zyafuma pakasi ka anisi itu atupata?

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

2 Kolinto 10:8

Manye nemo nati njitumika cuze pamulandu wa maka yano Mwene wampela akuti mwazwe kwaula kumucisa. Lelo ntakuzewana pamulandu wa kuitumika.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Milimo 16:5

Caleka amauvi yakomeleka mu utailo, yavulilako cila wanda.

Milimo 12:24

Lelo izwi lyakwe Leza litwalilila kusalangana nu kukula.

Milimo 6:7

Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

Ayebulai 4:9

Lelo ndi vino cili, antu yakwe Leza yacikweti kupuza, ukuli wa kupuza kwakwe Leza pa wanda uwalenga cinimbali.

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Filipi 2:1

Caleka ndi Klistu akumukomelezya, ndi nu kutemwa kwakwe kukamutekezya myenzo, ndi muli nu utandano wa Mupasi Wamuzilo, nga nu kusakamala nu kuya ni nkunkunsi na antu yauze,

Efeso 5:21

Mwatontelana pamulandu wa kucindika Klistu.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Efeso 4:16

wa mwili ukatungulula umwili onsi. Klistu uwalundanya mwili nga nu kuleka kuti cila cilundwa consi ca mwili caomba mu ufumaluke, alino nu kukula nu kukomeleka pamulandu wa kutemwa.

2 Kolinto 12:19

Limwi mukwelenganya ukuti lyonsi lii swemo twezyanga kuicingilila sweisikulu pa manso inu. Awe! Swemo tukalanda ndi vino Klistu akalonda kuti twalanda pa manso yakwe Leza. Yakundwe itu, vyonsi vino tukacita ivyakuti vimwazwe.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.

1 Kolinto 14:12

Endi, mwemo mukulondesya kukwata mawila kufuma kuli Mupasi Wamuzilo. Caleka pimpini kuomvya mawila yano mungaomvya, mu kukuula nu kukomelezya iuvi.

Loma 14:19

Caleka tulinzile kwezya kwikala mutende nu kwazwana kukwata utailo ukome.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Zakaliya 8:20

Nupya Yawe Wamaka Yonsi wavwanzile ati, “Insita ikwiza lino antu amu mitundu ikalamba yalaiza kuno ku Yelusalemu, pamwi na antu alafuma mu misumba yuze ikalamba.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Masamu 94:13

Ukamupeela upemwilo umu nsita ya ucuzi, ukufika na lino yalimbila umuntu mwipe ilindi.

1 Milandu 22:18

Ayanena ati, “Yawe Leza winu ali namwe, nga amamupeela umutende uku mbali zyonsi. Wene wampile ucimvyo apa antu yonsi aikalanga umu mpanga ii, nga ndakai antu yayo yakutumikila mwemwe na Yawe kwene.

1 Milandu 22:9

Lelo ulakwata umwana umonsi wino alateeka mu mutende, pamulandu wakuti nemo ndamupeela umutende pakasi ka anisi yakwe yonsi ali umu mbali zyonsi. Izina lyakwe lilaamwa ukuti Solomoni, pamulandu wakuti mu manda ya utesi wakwe ndapeela aina Izlaeli umutende nu ucingililo.

Yakapingula 3:30

Uwanda ulya aina Izlaeli yacimvizye aina Moabu, cakuti mu mpanga ilya mwali umutende pa myaka amakumi cinani.

Yoswa 21:44

Yawe wapeezile aina Izlaeli ulongo monsi mu mpanga yao, wakwe vino walavile nu mulapo ku vikolwe vyao. Kutali nanti awenga mu anisi yao ayazingulwike uwali na maka akuyacimvya. Yawe wayapile ucimvyo pa anisi yao.

Malango 12:10

Ndi mwaca mwalamba Luzi lwa Yodani, Yawe Leza winu alamupeela amaka ya kupoka impanga nupya mulikala mwenemo. Alamucingilila ku anisi inu pakuti mungaca mwaikala ku matwi cele.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Milimo 5:11

Lino iuvi lyonsi nga na antu yauze yonsi yuvwa cii, yuvwile intete cuze.

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.