Milimo 9:28 - Amazwi Yakwe Leza 2013

²⁸ Alino Saulo aikala nao, apitana konsi mu Yelusalemu, ala akukosola nu kupama mwi zina lya Mwene.

Milimo 9:28 Referans Kwoze

Milimo 1:21

“Caleka umuntu muze alinzile ailundanye kunotuli kuti aye a kambone wa kuzyukuka kwa Mwene Yesu. Muntu wiyo alinzile kuya wenga kufuma pa antu ali mwi umba litu nsita zyonsi lino twapitananga nu Mwene Yesu,

Galatiya 1:18

Cali pacisila ca myaka itatu lino naile ku Yelusalemu ku kulanzyanya na Petulo, nga natenzi pamwi nawe kulingana ni milungu iili.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Masamu 121:8

Yawe alakucingilila lino ukwingila na lino ukufuma, ukutandika sile apilelo mpaka na manda pe.

1 Yamwene 3:7

“Lyene, we Yawe, Leza wane, watuncita ne muomvi wako ukuya umwene mu cifulo cakwe tata Davidi. Lelo nemo nene mwana munono sile nupya ntamanyile ivyakuteeka.

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

Milimo 4:13

Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.

Milimo 4:29

Na ndakai, Mwene, lola ingofyo zino yacisile, utuzumilizye swe aomvi yako, kuti tukosole ilandwe lyako nu kuposya konsi.

Milimo 9:29

Avwanga nu kupazyanya na Ayuda yano avwanganga Cigiliki. Lelo yene yalondanga kumukoma.