Milimo 8:28 - Amazwi Yakwe Leza 2013

²⁸ Wafumanga ku Yelusalemu kuno waile ku kupepa Leza, ala ali umwi celeta lyakwe. Lino ali mu nzila, wawelenganga mu lupapulo lwakwe kasema Ezaya.

Milimo 8:28 Referans Kwoze

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Luka 4:17

Alino yamupeela malembelo yakwe kasema Ezaya, nawe apombolola nga azana pano calembwa cati,

Luka 3:4

Ndi vino calembwa mu lupapulo lwakwe kasema Ezaya cati, “Umwi akulaizya mu lwanga ati, ‘Zifini museo mwakupita Mwene, olololini inzila mwakupita aliwe.

Ezaya 1:1

Mu lupapulo luu mwaya ivintu vino Ezaya umwana wakwe Amozi waweni mu cilolwa, ivyapa antu amu Yuda na amu Yelusalemu umu manda ya kuteeka kwakwe Uziya, na kwakwe Yotamu, na kwakwe Aazi nga na kwakwe Hezekiya, yamwene aku Yuda.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:99

Natinja na mano ukuluta na yakasambilizya yane yonsi, pano nkakutumalilapo apa malamulo yako.

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

Milimo 8:27

Caleka Filipo akatuka apita. Lyene mutungwi mwina Etiopia, uwali mucindame kangalila wa cipao cakwe Kandake namwene uwaku Etiopia, wali umu nzila ala akuswilila kumwao.

Milimo 8:29

Mupasi Wamuzilo anena Filipo ati, “Yanga kapalamile pipi ni celeta.”