Milimo 8:24 - Amazwi Yakwe Leza 2013

²⁴ Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

Milimo 8:24 Referans Kwoze

Mpendwa 21:7

Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.

Kufuma 8:8

Lyene Falao atuma akuya ama Mose na Aloni, ayanena ati, “Pepini kuli Yawe kuti asisye yacula, alino nani namaleka antu inu kuti yapite, pakuti yakapele impolelwa kuli Yawe.”

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

Kufuma 12:32

Musende imfwele zinu, imbuzi, ni ng'ombe mwapita. Nupya nani kwene mundengele upolelelo.”

Kufuma 10:17

Pamulandu wakuti nacita cii, munjelele iifyo lyane. Mpapatilini kuli Yawe kuti asisye kuvunuka kuno kungaleta imfwa panondi.”

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Ezila 8:23

Acino naswe pali pakusazya ukulya, ituwaka sile ukupepa Leza pakuti awino atucingililako, nga nawe auvwa amapepo itu.

Ezila 6:10

Cico cilinzile ukucitika apamulandu wakupeela kuli Yawe impolelwa ino ingapokelelwa na aliwe, nu kuti yapapatile mwene na ana yakwe aonsi upolelelo usuma uwa umi.

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.

Yelemiya 37:3

Umwene Zedekiya watuma Yeukali umwana umonsi wakwe Syelemiya na simapepo Zefaniya umwana umonsi wakwe Maaseya kuli Yelemiya ku kumulenga ukuti ayapapatileko kuli Yawe, Leza witu.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.