Milimo 7:45 - Amazwi Yakwe Leza 2013

⁴⁵ Lyene pacisila vikolwe visya itaalu ku ana yakwevyo, nga nao yalisenda lino yapisile na Yoswa nu kupoka mpanga ya inamasi yano Leza wazinzile pa manso yao. Nalyo lyali papa kwene kufika na pa nsita yakwe Davidi.

Milimo 7:45 Referans Kwoze

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Milimo 13:19

Alino aonona mitundu cinimbali ya antu amu mpanga ya Kenani, nga apeela mpanga yao ku ina Izlaeli kuti iye iyakwao.

Yoswa 24:18

Lino twingilanga mu mpanga ii, Yawe atuzingila aina Amoli aikalanga mukwene. Acino naswe kwene tumatumikilanga Yawe, pano wene ali Leza witu.”

Yoswa 23:9

Yawe uwamukolelile ala akumuzingila inko zikulu nupya izyamaka. Na pilelo kwene kusi umuntu uwa munoyali uwali na maka akumulwisya.

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Ayebulai 4:8

Ndi cakuti Yoswa wapile antu kupuza kuno Leza walavile, Leza atange alande pamulandu wa wanda nauze.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Neemiya 9:24

Fwandi ali vino ana yano yingile mwenemo yaipoka nu kuipoka. Yazanzile aina Kenani mpaka yazuka yaya zii, kumwi na yamwene ya mwenemo na antu yao, yayanyata yacita na vino yakulonda kunoyali.

1 Milandu 21:29

Itaalu lya Ukongano lyakwe Yawe, lino Mose wapanzile mu lwanga, nga na kavuwa ka mawila yakoca alanga vili umu ncende yakupepelamo uku Gibyoni.

1 Milandu 16:39

Davidi asya simapepo Zadoki na yasimapepo yauze ukwi Taalu lyakwe Yawe, apa ncende yakupepela penepo uku Gibyoni.

1 Yamwene 8:4

Iyasenda kumwi ni Taalu lya Ukongano ni viya vyamuzilo vino vyali mwenemo. Yasimapepo pamwi na ina Levi ayano yavisenda.

1 Samueli 4:4

Acino antu iyatuma aonsi yamwi ku Syilo, nga nayo iyawezya Mbokosi ya Upangano wakwe Yawe Wamaka yonsi, wino icilimba cakwe ica wene caya pakasi kakwe yakelubi. Ana yakwe Eli yaili. Hofini na Pineasi, yali kuku pamwi ni Mbokosi ya Upangano ilya.

Yakapingula 18:31

Yatwalilile ukuomvya tuluwi tuno Mika wapanzile, pa nsita yonsi ino ing'anda yakwe Leza yali ku Syilo.

Malango 32:49

“Yanga ku myamba iyacingana iya Abalimu iyaya mu mpanga ya ina Moabu ukulungatana nu musumba wa Yeliko, ukakwele Mwamba wa Nebo. Alino lyene ulolekesye impanga ya Kenani, ino nasya mpeele ku ina Izlaeli.

Masamu 80:8

Awewe walemwile umutingi umu Eguputo wiza wazinga imitundu umu mpanga yao, amuno wiza waulema.

1 Milandu 7:27

Nuni na Yoswa.