Milimo 5:42 - Amazwi Yakwe Leza 2013

⁴² Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Milimo 5:42 Referans Kwoze

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Milimo 8:35

Lyene Filipo atandika kuvwanga. Atandikila pa ciputulwa ca malembelo kwene cii, amunena Ilandwe Lisuma lya pali Yesu.

Luka 21:37

Manda onsi Yesu wasambilizyanga mu Ng'anda ikulu yakwe Leza. Amanguzi lyonsi wayanga ku Mwamba wa Olivi akuno aikala.

Milimo 17:3

ala akuyalondolwela nu kuyasinila vino calingine kuti Klistu acule nu kuzyukuka kufuma ku afwe. Paulo ayanena ati, “Yesu kwene wii, wino nkukosola kunomuli ali Klistu.”

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Milimo 4:29

Na ndakai, Mwene, lola ingofyo zino yacisile, utuzumilizye swe aomvi yako, kuti tukosole ilandwe lyako nu kuposya konsi.

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

1 Kolinto 2:2

Pano lino nali pamwi namwe naipingwile kwilila vintu vyonsi suka sile Yesu Klistu nu kuluta imfwa yakwe ya pa lupanda.

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 8:5

Filipo waile ku musumba uwamu Samaliya akukosola ilandwe lya pali Klistu ku antu ya kuku.

Milimo 4:20

Pano swemo tutangata kulanda pali vino twalola nu kuvwa.”

Luka 22:53

Nali namwe manda aingi mu Ng'anda ikulu yakwe Leza, nga namwe mutandemile. Lelo ii ili nsita inu, lino maka ya mfinzi yakuteeka.”

2 Samueli 6:22

nupya namaipupanya nu kuluta. Wemo ungelenganya ukuti nemo insi cimwi, lelo anaci yaya yamancindikanga wakwe cimwi.”

Milimo 13:32

Acino tuli kuno ku kuleta Ilandwe Lisuma kunomuli.

Galatiya 1:16

Wasokolwile Mwana wakwe kunondi, pakuti ningakosola Ilandwe Lisuma lya pali aliwe ku Akulukuwa, nemo ntaile ku muntu ali wensi kuti ampande mano,