Milimo 4:27 - Amazwi Yakwe Leza 2013

²⁷ Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 4:27 Referans Kwoze

Mateo 27:2

Alino yamunyepa yamusenda, nu kumupeela kuli Pilato uwali mulasi.

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

Luka 9:22

Caleka ayanena ati, “Mwana wa Muntu ali nu kucula cuze, nupya aikolo na yasimapepo akalamba, na yakasambilizya ya Masunde yalamukana nu kumukoma, lelo pa wanda wakulenga yatatu alazyukuka kufuma ku afwe.”

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 2:27

pano we Mwene Leza utalansya ku Gehena, nanti kuleka muomvi wako Wamuzilo aole mwi lindi.

Yoane 19:34

Lelo wenga uwamu asilika amutota ni sumo mu mbazo, nga lilyo kwene mufuma wazi na manzi. (

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.

Yoane 10:36

Nemo Tata wansolola nu kuntuma mu nsi. Uzye lyene mungati uli nkuvwanga mazwi ya misuli kuli Leza, pano inavwanga vino nene Mwana wakwe Leza?

Yoane 1:11

Wizile ku mpanga yakumwao, lelo antu akumwao yatamuzengile.

Luka 22:63

Antu alindanga Yesu yamusaalula nu kumuma.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Mako 15:31

Vivyo kwene yasimapepo akalamba na yakasambilizya ya Masunde nao yamusoweka yati, “Watuulanga auze. Lelo wene atangaituule!

Mako 10:33

Ayanena ati, “Uvwini, tukuya ku Yelusalemu kuno Mwana wa Muntu alakoopelwa kuli yasimapepo akalamba na kuli yakasambilizya ya Masunde, nu kumuvunuka kuti afwe. Alakoopelwa ku Akulukuwa.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mateo 21:28

“Alino Yesu avwanga ati, namamunena mulumbe wa muntu uwakweti ana yaili aonsi. Lyene namwe mumanena vino mukwelenganya. Umuntu wii waile ku mwana uwali silenzi wa muze, amunena ati, ‘Mwana we, ilelo yanga kaombe mu calo ca matingi.’

Mateo 14:1

Mu manda yalya, Helodi kateeka uwamu Galile uvwile mpwelo ya pali Yesu.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 2:2

Yamwene yao yasakatuka, ni ntunguluzi zyao yapangila Yawe, pamwi nu musololwe wakwe.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Ezaya 37:26

Ee, kwene nanti ungalanda vyonsi vivyo, uzye wemo utatala uvwa ukuti ne Yawe Leza anene nateinye vivyo vyonsi mpiti? Ala anene kwene nasuka nafikilizya napali ndakai kwene. Anene nakupiile amaka akuwisya imisumba ya malinga, apakuti pangasyala sile imitumba ya vitalang'anda.

Mateo 14:3

Pano nkolelo Helodi wapile ilamulo kuti yaleme Yoane, yamunyepe nu kumuyalila mu ng'anda yaminyololo. Wacisile cii pamulandu wakwe Helodia muci wakwe Filipo mwina wakwe.

Mateo 14:6

Pa wanda wa kuzangila kuvyalwa kwakwe Helodi, kwali cimulo. Alino umwana umwanaci wakwe Helodia wizile acina inkolelo yakwe yao amilwe ku cimulo. Helodi nawe camuzanzizye cuze,

Luka 23:1

Lyene iumba lyonsi likatuka limutwala kuli Pilato.

Yoane 18:29

Caleka Pilato afuma aya kuno zili azyuzya ati, “Uzye mulandu cii uno mukupeela umuntu wii?”