Milimo 4:20 - Amazwi Yakwe Leza 2013

²⁰ Pano swemo tutangata kulanda pali vino twalola nu kuvwa.”

Milimo 4:20 Referans Kwoze

Milimo 22:15

Pano uli nu kupeela umboni ku antu pamulandu na aliwe, pali vino watulola nu kuuvwa.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Milimo 5:32

Naswe sweswe yakambone ya vintu vii, na Mupasi Wamuzilo kwene, wino Leza watapela kuli yano akamuyela.”

Ezekelo 3:11

Nupya ku ina Izlaeli auzo mu uzya uye ukayanene vino ne Yawe Simwandalali nkukunena, nanti yace yakuvwe nanti yatace yakuvwe.”

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Milimo 2:32

Lelo Leza wazyukwile Yesu kufuma ku afwe, naswe sweswe yakambone ya vintu vii.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Luka 1:2

Antu yaa yalemba vino tuvwile kuli yakambone aviweni kufuma ku utandiko, yano ali yakakosola.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yelemiya 1:7

Lelo Yawe anena ati, “Utalanda ukuti wewe mwance. Ulinzile ukuya ku muntu ali wensi wino nakutuma kweneko, nu kuyamunena ilamulo lyane.

2 Samueli 23:2

Umupasi wakwe Yawe wavwangila munondi, nu lulimi lwane ilulanda amazwi yakwe.

Mpendwa 23:20

Yanenyile ukupolelela Nga lino Leza wapolelela, nemo ntange nkaule upolelelo.

Mpendwa 22:38

Alino Balamu nawe amwaasuka ati, “Endi, lyene anene natiniza. Nga lelo uzye wemo ukuti ningavwanga civwangevwange? Nemo indi nu kuvwanga sile amazwi yano Yawe wanena ukuvwanga.”

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Milimo 1:22

kutandika pa nsita ino Yesu wawatiziwe na Yoane kufika na pa wanda uno yamufumizye pakasi kitu asendwa kwiyulu.”

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?