Milimo 3:16 - Amazwi Yakwe Leza 2013

¹⁶ Pa kuya nu utailo mwi zina lyakwe Yesu, amuno umuntu wii wino mwalola nu kumanya wapelwa maka. Utailo uno akweti muli Yesu uwati umulenga kuti apoziwe mu cumi, ndi vino mwati mulola nu kumanya.

Milimo 3:16 Referans Kwoze

Milimo 14:9

Muntu wi watenzi ala akuuvwa ku mazwi yakwe Paulo. Paulo alola vino akweti utailo na vino angapoziwa. Caleka amulolekesya,

Milimo 4:10

lyene mulinzile kumanya, nga na antu yonsi aina Izlaeli nao kwene yamanye vino umuntu wii wino aimi nkolelo inu watapola ningo ku maka aya mwi zina lyakwe Yesu Klistu uwaku Nazaleti. Yesu wino mwatanyile pa lupanda, wino Leza wazyukwile kufuma ku afwe.

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”

Milimo 16:18

Wacisile vii pa manda aingi, asuka Paulo aaziwa cuze mu mano nga aseleuka anena mupasi wankota ati, “Mwi zina lyakwe Yesu Klistu nakunena ukuti ufume mu muntu wii!” Alino pa kasita kwene kaka mupasi wankota ufuma munoli.

Mateo 9:22

Lelo Yesu aseleuka amulola, amunena ati, “Kaciwe, teku mwenzo utasakamala! Utailo wako wakupozya.” Pa kasita kwene kako mwanaci apola.

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Milimo 4:7

Alino iimika atumwa pakasi yayuzya yati, “Uzye uku maka cii nanti mwi zina lyakwe weni muno mwacitila ca musango uu?”

Milimo 3:8

Alino atoloka aimilila, atandika nu kupita, nga ayalondela nu mu Ng'anda ikulu yakwe Leza, ala akupita nu kutoloka nu kutasya Leza.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

Yoane 7:23

Ndi cakuti mwana umonsi angasilamulwa pa Sabata pamulandu wakulondela Masunde yakwe Mose, uzye pacani mwansokela pano napozizye mulwale pa Sabata?

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Mateo 14:29

Alino Petulo afuma mu wato, apita pa manzi, alungama kuli Yesu.