Milimo 28:8 - Amazwi Yakwe Leza 2013

⁸ Isi wakwe Pubilio wali umulwale ala aizi pa musanzi. Walwile impepo nu kupolomya uwazi. Paulo aingila ku muputule wakwe, apepa, amwikapo makasa yakwe, amupozya.

Milimo 28:8 Referans Kwoze

Milimo 9:40

Lyene Petulo afumya yonsi mu muputule, afukama pansi apepa. Alino aseleukila ku cala ati, “Tabita, katuka!” Lyene Tabita azyuka, nga lino walola Petulo, akatuka.

Mako 6:5

Wene atacisile icinjelengwe cimwi kuku, lelo wisilepo sile makasa yakwe pa alwale yanono ayapozya.

Mako 16:18

Lino yalalema inzoka, na lino yalamwa ulembe wene utalayakoma, yalika makasa yao pa alwale, nao yalapola.”

Mateo 9:18

Lino acili akuvwanga amazwi yaa kunoyali, umwi uwali intunguluzi iyamu cifulo cii, aiiza kunoli. Alino amufukamila, amunena ati, “Mwanane kaci wafwa likwene. Lelo tuye ukamwikepo ikasa lyako, nga amaya umumi.”

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 12:9

Mupasi Wamuzilo ali umwi kwene akapeela utailo ku umuntu wenga, nga ku muntu muze nako akapeela maka akupozya ndwala.

Mateo 10:8

Pozyini alwale, tutululini afwe, pozyini yakwe tembwe, mufumye ni mipasi yankota. Mwapelwa amaka yakucita vii uwila, caleka namwe kwene kacitilini antu uwila.

Mateo 10:1

Yesu aama alondezi yakwe ikumi na yaili, ayapeela amaka akufumya mipasi yankota nu kupozya indwala zya misango yonsi nga ni ndema.

Luka 13:13

Alino Yesu amwikapo makasa yakwe, nga lilyo kwene mwanaci aololoka alumbanya Leza.

Luka 4:40

Lyene lino ilanzi lyati lyawa, antu yonsi akweti alwale alwile indwala zipusanepusane yayaleta kuli Yesu; alino nawe aikapo makasa yakwe pali cila wenga ayapozya onsi.

Mako 7:32

Lyene yaleta kunoli umuntu uwali a cipuuli nupya katitisya, yalenga Yesu kuti amwikepo makasa yakwe.

Mako 5:23

amupapata cuze ati, “Mwanane kaci umulwalisye ali pipi nu kufwa. Nakulenga kuti wize umwikepo makasa yako, pakuti apole aye nu umi.”

Mateo 12:13

Lyene anena umuntu ati, “Ololola cizanza cako.” Nawe aololola, nga ciya icipuma nupya, wakwe vino cuze cali.

Milimo 28:7

Mupipi ni cifulo cino twalipo kwali vyalo vya muntu umwi umukalamba wa cilila izina lyakwe a Pubilio. Wene atuzengela ni nsansa na pa manda yatatu twali aenyi yakwe.

Milimo 28:9

Lino cii cacitika, alwale yonsi ali pa cilila cica iiza yapoziwa.