Milimo 28:27 - Amazwi Yakwe Leza 2013

²⁷ Pano mano yao yakupa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, na kuzenzuka yangazenzuka, nani ningayapozya.’”

Milimo 28:27 Referans Kwoze

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Malango 29:4

Lelo mwemo ukufika na pi lelo mutacili mupelwe amano akwiluka pa vintu vino mwailolile.

Masamu 119:70

Antu amusango uo yasitezya, lelo nemo nkazangila mu masunde yako.

Mateo 13:14

Muli yaa usemo wakwe Ezaya wafikiliziwa, uno ukati, ‘Kuuvwa muluvwa, lelo mutalamanya ningo; nu kulola mulalola, lelo mutangamwiluke,

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’