Milimo 28:18 - Amazwi Yakwe Leza 2013

¹⁸ Aina Loma nao yanguzikisya, yalonda kunsapula pano yatanzanyile nu mulandu wakuti nkomwe.

Milimo 28:18 Referans Kwoze

Milimo 23:29

Nazanyile ukuti atacisile nanti icintu cimwi icakuti akomwe nanti kusumbilwa mu ng'anda yaminyololo. Umulandu uno yamupile wali apamulandu wa masunde yao.

Milimo 24:22

Lyene Felikisi wamanyile ningo vyonsi vya nzila ya Mwene. Caleka azinyazinya mulandu ati, “Alala Lisiasi, musika mukalamba uwa asilika wiza alino ndaputula mulandu winu.”

Milimo 24:10

Mulasi akapizya Paulo kuti alande, nawe Paulo avwanga ati, “Namanya ukuti pa myaka iingi wewe ukapingula antu amu luko lwitu. Acino indi nu luzango lwa kuitasya pa manso yako.

Milimo 22:30

Musika mukalamba walondanga kumanya cumi pamulandu uno Ayuda yapelanga Paulo. Caleka pa wanda uwalondelile amusapula, apeela ni lamulo kuli yasimapepo akalamba na yonsi amwi Tengo kuti yakongane. Alino aleta Paulo, amwimika nkolelo panoyali.

Milimo 25:25

Lelo nemo ntazanyile ukuti wacita icintu cimwi icakumupingwila ukufwa. Na pakuti umwisikulu walenga kuti mulandu wakwe uye kuli Kesa, nani nelenganya ukumutuma.