Milimo 28:16 - Amazwi Yakwe Leza 2013

¹⁶ Lino twafika mu Loma, Paulo yamuleka kuti aikalile wenga nu musilika ala akumulinda.

Milimo 28:16 Referans Kwoze

Milimo 27:3

Pa wanda uwalondelela tufika mu Sidoni. Juliasi wali nu luse pali Paulo, amuta kuti aye akalole yacuza yakwe, pakuti yamupele vino akulonda.

Milimo 24:23

Alino apeela ilamulo ku musilika uwasunganga Paulo kuti amusunge ningo lelo atamuyalile nanti kulesya yacuza yakwe kumuletela vyonsi vino angalonda.

Umbwilo 17:18

“Mwanaci wino wali walola ali musumba ukulu ukateeka yakateeka yonsi amu nsi.”

Umbwilo 17:9

Mulinzile kuomvya mano kuti mwiluke nu kumanyikisya. Mitwe cinimbali ili myamba cinimbali pano mwanaci akaikala. Nupya mitwe kwene ali yakateeka cinimbali.

Milimo 27:43

Lelo musika walondanga kutuula Paulo. Caleka ayalesya kucita cico. Lelo apeela ilamulo lyakuti antu yonsi yano angowa yafume mu wato inkolelo nu koowa ukuya ku mulundu.

Milimo 27:31

Lyene Paulo anena musika wa asilika pamwi na asilika ati, “Ndi mwaleka yakapisya ya wato yapita, ale lyene mutangatuulwa.”

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

Milimo 18:2

Kuku aya azanako Muyuda wino izina lyakwe a Akwila uwavyalilwe mu Ponto ala wacifuma ku Italya nu muci wakwe Pulisila. Yafumileko lino Kalaudio kateeka waku Loma umile imbila kuti Ayuda yonsi yafume mu Loma. Paulo apita ukuya yalola,

Milimo 2:10

ku Fulugiya nu ku Pamfuliya, nu ku Eguputo nga nu mu mpanga ya Libya pipi nu ku Kuleni. Yamwi munotuli aenyi afuma ku Loma,

Yelemiya 40:2

Alino musika mukalamba wa vita atwala Yelemiya wenga ku lusansa longa, atandika ukumunena ati, “Yawe Leza wako wapangila ukonona impanga ii,

2 Yamwene 25:8

Uwanda walenga cinimbali uwa mwezi walenga cisano, uwa mwaka walenga ikumi na fundimbali, uwa kuteeka kwakwe Nebukadineza umwene waku Babiloni, Nebuzaladani musika mukulu uwa vita vyakwe umwi uwali a mpandamano wakwe, aingila umu Yelusalemu.

Utandiko 37:36

Insita iyo, mu Eguputo aina Midyani yalanga yakazya Yosefu kuli Potifa, wenga wamuli yacilolo yakwe Falao. Potifa wali intunguluzi yakwe yakalolela ya kwisano kwakwe Falao.

Yelemiya 38:13

Alino yatinta Yelemiya ku mwando nu kumufumizya ukunzi, yamuzuulula mu cifula. Yelemiya atala asyala mumu kwene mu musolo wakwe yakalinda.