Milimo 28:14 - Amazwi Yakwe Leza 2013

¹⁴ Tuzanako ataile yamwi nga yatulenga kuti twikale nao umulungu onga. Alino tukatuka tufika ku Loma.

Milimo 28:14 Referans Kwoze

Milimo 21:4

Tulonda, tuzanako aina Klistu yamwi, nga twikala nao mulungu onga. Nao Mupasi Wamuzilo ayanena kusoka Paulo kuti atakaye ku Yelusalemu.

Milimo 20:6

Twapisile mu wato kufuma mu Filipi pacisila ca kuzevya. Cimulo ca mukate usi na citutumusi, na pacisila ca manda yasano twakomenkine mu Tuloa, amuno twikala mulungu onga.

Milimo 19:1

Lino Apolo wali mu Kolinto, Paulo apita ukusalala mpanga pakasi aiiza ku Efeso. Kuko azanako alondezi yamwi nga

Utandiko 7:4

Ndi papita sile amanda cinimbali indi nu kutuma imvula pansi, ilatonya mu nsi yonsi amanda makulu amakumi yani, nu konona consi ca umi cino naumvile.”

Yoane 21:23

Caleka mpwelo isalangana konsi mu alondezi yakwe Yesu ukuti wii wene atalafwa. Lelo Yesu atavwanzile vino wii wene atalafwa. Wene wavwanzile ati, “Ndi nkasi kuti alali kufika na lino ndiza, uzye cikupazi?”

Mateo 10:11

“Mu musumba onsi nanti muzi uno mwingilamo, londini umuntu angamupokelela, mwikale mu ng'anda yakwe kufika na lino mulafumamo mu cifulo cico.

Masamu 119:63

Nene cuza wakwe yayo yonsi akakoopa, yayo yonsi akayela amasunde yako.

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 6:3

Caleka inane, sololini antu cinimbali amunomuli, azuziwamo na Mupasi Wamuzilo na mano, yano tumapela uwangalizi pa mulimo uu.

Milimo 9:30

Lino aina muli Klistu yamanya cii, yatwala Saulo ku Kesaliya, yamutuma ku musumba wa Taliso.

Milimo 28:13

Kufuma kuko tupatama tufika mu musumba wa Legiamu. Uwanda uwalondelela muza utandika kupunga ukufuma ku kaeya, nga mu manda yaili twiza ku musumba wa Puteoli.

Milimo 28:15

Aina amu Loma lino yuvwa ukuti tukwiza, iiza yafika nu kwi Sokoni lya Apio, nga nu ku Ng'anda zitatu zya enyi kwiza tukomanya. Lino Paulo wayalola, ataizya Leza nga akomeleka.

Milimo 28:21

Alino yamunena yati, “Tutapokelela makalata yamwi kufuma ku Yudeya akulanda pali wewe, nanti antu itu yamwi yatiza kuno kwiza landa cintu cimwi ciipe pamulandu wako.

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.