Milimo 27:23 - Amazwi Yakwe Leza 2013

²³ Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Milimo 27:23 Referans Kwoze

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Milimo 5:19

Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Milimo 18:9

Usiku umwi Mwene aloleka kuli Paulo mu cilolwa, nga amunena ati, “Utuvwa intete, lelo twalilila nu kuvwanga, utata,

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Milimo 8:26

Mungeli wa Mwene anena Filipo, ati, “Katuka uye ku kaeya, ku museo uwafuma ku Yelusalemu, uwaya ku Gaza.” (Museo uu utaciomviwa.)

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Danieli 6:16

Caleka umwene apeela ilamulo kuti yaleme Danieli nu kumusumbila mu ninga yakwe yacisama. Umwene anena Danieli ati, “Si Leza wako, wino ukatumikila lyonsi, ale akutuule.”

Ezaya 44:21

Yawe wavwanga wati, “Mwe ina Izlaeli mwe! Mwaiusya ivintu vii. Mwaiusya ukuti mwemo mwemwe aomvi yane. Anene namuumvile apakuti mwaya aomvi yane. Nemo ntalamwilila foo.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

2 Timoti 2:24

Muomvi wa Mwene atalinzile kulemanila. Wene alinzile kuya uwa luse kuli onsi, nupya aye kasambilizya musuma akateeka mwenzo.

2 Timoti 1:3

Nkataizya Leza, wino nkatumikila nu mwenzo uswepe, wakwe vino vikolwe vyane vyacisile. Nemo nkataizya Leza lyonsi kwaula kwilila wewe lino nkupepa, usiku nu musanya.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Loma 6:22

Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Milimo 16:17

Wene walondelanga Paulo naswe ala akupunda ati, “Antu yaa, aomvi yakwe Leza wa papelapela! Yakumunena vino mungatuulwa!”

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Malaki 3:17

Yawe Wamaka yonsi wavwanga wati, “Antu yayo yalaya akwane. Pa wanda uwo lino ndacita cimwi, yene yalaya akwane kololo. Ndaya na mizu kunoyali ndi vino umukwasi akaya na mizu ku mwanakwe wino akamutumikila.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Danieli 3:26

Acino Nebukadineza aya ku mulyango wi lungu lya moto nga apunda ati, “Syadilaki! Mesyaki! Abedinego! Mwe aomvi yakwe Leza Wapapelapela, fumini mumo! Izini kuno!” Caleka lilyo kwene Syadilaki, Mesyaki na Abedinego yafuma mu moto.

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Ezekelo 36:38

Antu yalazuula tupu mu misumba iyasiile vitalang'anda, ndi vino umusumba wa Yelusalemu apampiti wazuulanga tupu imfwele, zino yaletanga pakupeela impolelwa apa manda makulu. Ee, alino antu yalasininkizya ukuti nene indi Yawe.”

Yelemiya 32:38

Alino lyene yalaya umutundu wane, nani ndaya Leza wao.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Ezaya 44:5

Umwi alavwanga ati, ‘Nene muntu wakwe Yawe,’ muze alayama umwisikulu ukuti uwamu mutundu wakwe Yakobo. Namuze alalemba api kasa lyakwe ati, ‘Uwakwe Yawe,’ nga yalangama ukuti uwamu mutundu wakwe Izlaeli.”

Lwimbo lwakwe Solomoni 6:3

Mukundwe wane uwakwane, nani nene wakwakwe. Wene akacemela ufyo wakwe mu maluwa.

Lwimbo lwakwe Solomoni 2:16

Mukundwe wane wii, ala uwakwane nenga mpo, nani nene wakwakwe, wenga mpo. Akacemela ufyo wakwe mu malula.

Masamu 143:12

Lovya anisi yane uku luse lwako sile, uonone yonsi akancuzya, pano nene muzya wako.

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 116:16

Yawe, ala nene muzya wako, nemo nkakuombela vivi kwene vino mayo nawe wacitanga. Wemo watunsapula umunyololo, watunkulula.

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

Kufuma 19:5

Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.