Milimo 25:6 - Amazwi Yakwe Leza 2013

⁶ Fesito aikala nao mu Yelusalemu manda cinani nanti ikumi nga aswilila ku Kesaliya. Lino waca katondo aikala pa cilimba ca kupingwila milandu, alino apeela ilamulo kuti yalete Paulo pa manso yakwe.

Milimo 25:6 Referans Kwoze

Milimo 25:17

Lino nizile kuno, ntasumvile kasita. Lelo uca katondo nikala pa cilimba ca kupingwila milandu, impela ilamulo kuti yalete Paulo ku cilye.

Milimo 25:10

Lelo Paulo aasuka ati, “Nemo njimi mu cilye ca milandu cakwe Kesa, icilinzile cimputwile mulandu. Ntacisile icintu cimwi ciipe ku Ayuda, wakwe vino nawe kwene umanyile.

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Yakobo 2:6

Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

Yoane 19:13

Caleka lino Pilato uvwa mazwi yaa, afumya Yesu panzi aikala na pa cilimba cakwe kapingula wa milandu mu ncende ii yamwangwa ukuti, “Musolo wa mawe.” (Mu Ciyebulai incende ikaamwa ukuti, “Gabata.”)

Milimo 8:40

Filipo azana ukuti ali mu Asidodi. Wapisile mu misumba yonsi ala akukosola Ilandwe Lisuma, asuka afika ku Kesaliya.

Milimo 25:1

Lino Fesito wafika mu mpanga ya Yudeya pacisila ca manda yatatu afuma ku Kesaliya aya ku Yelusalemu.

Milimo 25:4

Fesito nawe ayanena ati, “Paulo wasungwa mu ng'anda yaminyololo ku Kesaliya, nani akuno nkuswilila zuwa.

Milimo 25:5

Acino tungapita ni ntunguluzi zinu zimwi zikamulongwele kuku kwene ndi kuli cimwi cino waifya.”