Milimo 24:27 - Amazwi Yakwe Leza 2013

²⁷ Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 24:27 Referans Kwoze

Milimo 25:9

Fesito walondanga ukuzanzya Ayuda. Caleka auzya Paulo ati, “Uzye ungatemwa kuti upite ku Yelusalemu akuno inkakupingwile milandu ii yonsi?”

Milimo 25:14

Lino ikalako manda yamwi, Fesito alondolwela mwene Agilipa mulandu wakwe Paulo ati, “Kuli umuntu umwi wino Felikisi wasya mu ng'anda yaminyololo.

Milimo 12:3

Lino walola vino cazanzya Ayuda, atwalilila, kuti yaleme Petulo. (Cii cacitike pa nsita ya Cimulo ca Mukate usi na citutumusi.)

Milimo 25:1

Lino Fesito wafika mu mpanga ya Yudeya pacisila ca manda yatatu afuma ku Kesaliya aya ku Yelusalemu.

Mako 15:15

Pilato walondanga kuzanzya iumba. Caleka ayasapwila Balaba. Lyene apingula kuti yume Yesu vikoti, nga ayapeela kuti yamutane pa lupanda.

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Milimo 26:32

Alino Agilipa anena Fesito ati, “Muntu wii akana kutwala mulandu wakwe ku mwene Kesa, wange asapulwe.”

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Milimo 28:30

Pa myaka iili Paulo watenzi mu ng'anda ino wasonkelanga ala akupokelela yonsi aizanga ku kumulola.

Milimo 25:4

Fesito nawe ayanena ati, “Paulo wasungwa mu ng'anda yaminyololo ku Kesaliya, nani akuno nkuswilila zuwa.

Milimo 23:35

amunena ati, “Namaiza nuvwe mulandu wako lino yao akukulongwela iiza.” Lyene apeela ilamulo kuti yasunge Paulo nu kumulinda mwi sano lyakwe Helodi.

Kufuma 23:2

Utawila kuli cele wensi lino yakucita iviipe. Utazumilizyanya nayo lino yakuvwanga umboni waufi uno ukaonona ulungami pakuti uzanzye aingi.

Yelemiya 38:13

Alino yatinta Yelemiya ku mwando nu kumufumizya ukunzi, yamuzuulula mu cifula. Yelemiya atala asyala mumu kwene mu musolo wakwe yakalinda.