Milimo 24:26 - Amazwi Yakwe Leza 2013

²⁶ Pa kasita kali kamwi kwene wapaalilanga ukuti Paulo angamupeelako ulupiya, acino wamwamilanga lililili ku kulanda nawe.

Milimo 24:26 Referans Kwoze

Mapinda 17:23

Umwipe akapoka amafukakanwa, afisa umwilaya lyakwe, ali pakunyonganika upinguzi.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

1 Kolinto 6:9

Cumi mwamanya ukuti yakaifya yatalakumako ku Wene wakwe Leza. Mutaitumpoka! Antu akacita ulenzyo, nanti akapepa tuluwi, nanti akacita ivya winyi,

Milimo 24:17

“Pacisila ca myaka ingi pano nafumile ku Yelusalemu, nupya naile kweneko kuti ntwalile antu amu luko lwane uwila uno yantumilizye nga na kuti nkapele impolelwa.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Oseya 4:18

Pacisila cakumwa waini umuvule, yene yakazangila mu kucita uzelele, ala yakulukisya ukuzewana ukuluta umucinzi.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Mapinda 29:4

Ndi cakuti kateeka wakwata ulungami, impanga yakwe ikakoma. Lelo ndi watemwisya ukupoka amafukakanwa impanga yakwe ikaononeka.

Mapinda 19:6

Umuntu mukankala, antu aingi yakamulyombeka, nupya umuntu kapekape acuza wakwe yonsi.

Mapinda 17:8

Akapeela amafukakanwa yakamuombela wi we lya mutengo, konsi kuno waya, umusyuke.

Yobo 15:34

Umu cumi, uluko lwakwe yayo akasuula Leza lwaya wakwe mutuusa. Nu moto uloca umuzi wa antu atemwa amafukakanwa.

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Kufuma 23:8

Utapokelela mafukakanwa, pamulandu wakuti yene yakapafuzya manso ya antu yano akapingula imilandu, pano mafukakanwa yakalenga mulandu kwipila yao ataponzile.

Mateo 17:3

Lilyo kwene alondezi yalola Mose na Eliya, ala yakuvwanga na Yesu.