Milimo 24:25 - Amazwi Yakwe Leza 2013

²⁵ Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

Milimo 24:25 Referans Kwoze

Yoane 16:8

Nawe Mupasi alala wiza alasinila antu amu nsi vino yene aponge pamulandu wa maifyo na pa kuntamanya vya wololoke nga nu upinguzi wakwe Leza.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

2 Petulo 1:6

Ku kumanya kwinu ungilizyini kuikanya. Ku kuikanya kwinu ungilizyini kuposya. Ku kuposya kwinu ungilizyini kuipelesya ku umi wa kupepa Leza.

Galatiya 5:23

kuicefya, nu kuikanya. Kutaya Masunde akalwisyanya ni micitile ii.

Milimo 10:42

Wene watupile ilamulo kuti twakosola ilandwe ku antu, nga nu kupeela umboni vino wene ali wino Leza wasonta kuya kapingula wa antu, aumi na afwe kwene.

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

Yakobo 2:19

Uzye wataila ukuti kwaya sile Leza wenga? Cisuma! Mipasi yankota nayo kwene yataila, nupya ikaoopa nu kuzakaza.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

Ayebulai 3:13

Lelo mwakomelezyanya amanda onsi lino insita iciliko ino mazwi yakwe Leza akati, “Ilelo” yatusoka pakuti kutaya umwi wino, iifyo lingamukomya mwenzo.

Galatiya 3:22

Lelo calembwa mu malembelo ukuti iifyo lyateeka antu yonsi uzya. Caleka uwila uno Leza walaya uwakwe wino wensi uwataila muli Yesu Klistu

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

2 Kolinto 6:2

Leza walanda mu malembelo ati, “Lino kasita kasuma kakumwazwa kafisile, nuvwile kuno muli, nga na lino wanda wafisile uwakuti imutuule namwazwizye.” Uvwini! Ndakai kasita kasuma kakumwazwa. Uvwini! Ilelo wanda wa kutuulwa.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Milimo 24:15

Nakwata upaalilo muli Leza uli umwi na uno yene yakweti, uwakuti antu onsi, asuma na aipe, yalazyukuka kufuma ku afwe.

Milimo 17:32

Lino yuvwile Paulo akulanda pa kuzyukuka kufuma ku afwe yamwi yamusoweka, lelo yamwi yamunena yati, “Nupya tungatemwa ukuvwa vino walanda.”

Milimo 17:2

Lyene ndi vino umwata wakwe wali, Paulo aingila muno yali. Pa Masabata yatatu alanzyanya nao mu malembelo,

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Ayebulai 6:2

Nanti mu usambilizyo wa luwatizyo nu wa kwikilapo makasa, nanti kuzyukuka kwa afwe nu upinguzi wa pe.

Hagai 1:2

Yawe Wamaka Onsi wanena Hagai wati, “Antu yaa yakuvwanga yati, ‘Ndakai isi nsita ya kukuula cipya cipya Ng'anda ikulu yakwe Leza.’ ”

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.

Amosi 6:12

Uzye pa mawe imfwalasi zingasimulapo? Uzye pali yemba umwi angalimapo ni ng'ombe? Lelo mwemo mwasenula ulungami waya a sumu, nga ni vyaololoke vyonsi mwavicita ivyakutitikizya nu kuzunya antu.

Amosi 5:24

Lelo lekini ulungami winu wakonkoloka wa luzi, nu ololoke winu wa kaluzi kano kasipwa.

Oseya 10:12

Muitandile uololoke, nga mulazombola upolelelo uwa kutemwa kwane ukwa muntaputuka. Umini mazela mwi sala linu pano insita yakulondalonda Yawe yatifika. Mwalukulonda Yawe mpaka ace awele ku kwiza mupongolwela upolelelo.

Oseya 10:4

Yamwene yayo yakalaya amaila aingi, nu kucita imilapo yaufi nu kupangana vipangano vyasilesile. Caleka ulungi wati usanguka ulufyengo lulo luno lukukula kwati ivikona iviipisye mu calo.

Oseya 7:5

Pa wanda wa kuzevya kwa mwene, vilolo vyakwe vyakolike waini, umwene nawe aitela mwi umba lya antu aisawisye.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Yelemiya 23:29

Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Ezaya 55:6

Londini Yawe apa nsita ino angazanwa, mwamini lino ali mupipi.

Ezaya 41:21

Yawe Leza wa ina Izlaeli akuti, “Mwe tuleza twa mitundu, aleni letini imilandu inu uku cilye. Izini muilondolwele mwenga pano mutemilwe!

Ezaya 32:11

Caleka fwandi tandikini sile ukuizakazila uku ntete, mwemuno mwikala mu cinenke. Musokozoke sile mwemuno mutasakamala akantu nanti kamwi! Zulini insalu zinu zino muzwite, musyale sile ni visamu mu misana.

Ezaya 16:5

Alino umu kutemwa amuno icilimba ca wene cilateekwa ningo. Umu cumi paliza pikale wenga, uwamu akazi kakwe Davidi, wiyo uwasakamalisya ulungami nu kuzangila ukucita vyaololoke.

Ezaya 1:21

Iye mwe vino umusumba wacumi watiusanguka wakwe cizelele! Zioni umusumba umwazile uwololoke, ali muno lyene mwatimuzula yacikoma.

Ayebulai 12:21

Calolike ica koofya cuze cakuti Mose avwanga ati, “Nkuuvwa intete nupya nkuzakaza!”

Loma 14:12

Acino wensi uwa munotuli alailongwela vyonsi kuli Leza.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

Milimo 26:28

Agilipa auzya Paulo ati, “Uzye ukwelenganya ungampindulula kuti inje mwina Klistu mu kasita kwene kaa kanono?”

Milimo 17:13

Lelo lino Ayuda amu Tesalonika yuvwa ukuti Paulo wakosola mazwi ilandwe lyakwe Leza nu mu Belea kwene, yaya ku kutunkola antu ukuti yapange mpanzela.

Milimo 9:6

Lelo katuka ingila mu musumba, amuno umanenwa cino ulinzile kucita.”

Mateo 22:5

Lelo yao amilwe yatiisileko mano. Yamwi yaya ku vyalo vyao nga na yamwi yaya ku milimo yuze ya uculuzi.

Danieli 5:30

Usiku kwene ulya Belisyazali, umwene waku Babiloni, akomwa.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Mapinda 16:12

Yamwene yapata ukakasi, pano ulungami auno ukakomya ivilimba vyao.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

Masamu 99:1

Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.

Masamu 72:2

Leka alungika lino akuteeka antu yako, nu kuvwangila alanda.

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Masamu 11:7

Pano Yawe wakwata ulungi. Asuma yalalola pe icata cakwe.”

Yobo 29:14

Lyonsi nemo nacitanga ivyaololoke, icakuti vyasangwike kwati ali vyakuzwala vyane.

Ezila 10:9

Fwandi Ayuda na ina Benjamini, avino yakongine mu Yelusalemu mu manda yatatu. Lilyo cali pa wanda walenga makumi yaili mu mwezi walenga fundimbali. Antu yonsi yatuulile mu musolo wa Ng'anda ikulu yakwe Leza, ala yakuzakaza sile apamulandu kwene uu na pa mvula iyatonyizye wakwe cimwi.

Ezila 10:3

Lyene tulinzile twacita upangano na Leza uwakuti tumata anaci ya yonsi kumwi na ana yao kuti yapite. Tuli nu kucita vivyo ukulingana nu umpanda mano uno wewe na antu yauze akayela amasunde yakwe Leza mwatunena ukucita.

2 Yamwene 22:19

Pano wemo wazenzuka, waicefya nu kuicefya apa manso yane. Walepola ni vyakuzwala vyako, walila nu kulila. Uvwa vino napangiile umusumba wa Yelusalemu kumwi na ikazi aikala mwenemo. Ala nemo ndaleka incende iya ice iye iyakuzungusya antu. Nupya ali ncende ino yalatipwilila antu. Ukuya kwene nemo natinuvwa ipepo lyako. Ivyalanda ne Yawe.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

1 Samueli 12:7

Acino fwandi lyene imililini pano, nga nani namamusinila pa manso yakwe Yawe, pamulandu ni vizungusyo vyonsi vino Yawe wacitile mwemwe ni vikolwe vinu.

Milimo 24:26

Pa kasita kali kamwi kwene wapaalilanga ukuti Paulo angamupeelako ulupiya, acino wamwamilanga lililili ku kulanda nawe.

Yelemiya 36:16

Walanga sile wamala kuyawelengela, yatandika kulolekesyanya ntete ntete. Alino yanena Baluki yati, “Umulandu uu tulinzile twaufisya ku mwene Yeoakimu.”

Tito 1:8

Wene alinzile kuya kacita wa milimo ya luse, kapokelela wa enyi, nupya uwatemwa kucita visuma. Wene alinzile kuikanya, nu kucita vilungame, alinzile kuya uwamuzilo nupya musundike.